لرمدیا

آهنگ نازنین   خواننده:سیف الدین آشتیانی

متن آهنگ نازنین سیف الدین آشتیانی

***

که هر دلی چی دلمه که نازنین یار تونه

هرکس که چی خوم عاشقه دونم گرفتار تونه

ار بکشنم و دار…یا و غم بکن اسیرم

ار و گوردم کو کمر…بکنم که میره ویرم

جو میم زمت میشکم…تا یه روز و تو برسم

عمرمه میکم نثارت…تو عزیزی همه کَسم

ار بهای خاک زمینه…وا دو دسام جم میکم

ذره ذره آو گلاله …وا کلیکام کم میکم

جو میم زمت میشکم…تا یه روز و تو برسم

عمرمه میکم نثارت…تو عزیزی همه کَسم

ار و تش چشامه کور کنن بسوزنن..ار وه تا سیزه لویامه باوزن

جو میم زمت میشکم…تا یه روز و تو برسم

عمرمه میکم نثارت…تو عزیزی همه کَسم

 

دانلود با کیفیت128:کلیک کنید

 

آهنگ مرغ دل   خواننده:سیف الدین آشتیانی

متن آهنگ مرغ دل سیف الدین آشتیانی

***

وقتی چشاکه قشنگت ازگلی ونه د کلم

سر بنی قه سینکم تا بشنوی دنگ دلم

گوتی د ما تو مه نمیرم یاری…یار گریتنت منه ون و خاری

اکه خدا نکه عزیزم تو بمیری…کم آوارم بکو بفتم اسیری

ه تویارمی هه تو یارمی…ه تو یارکه وفادارمی

مترسم آهم بیره دامونت…خدا نکنه تموم با عمرت

اکه خدا نکه عزیزم تو بمیری…کم آوارم بکو بفتم اسیری

ه تویارمی هه تو یارمی…ه تو یارکه وفادارمی

بی وفا یارمه بد بیه حالمه..سییکه مالمه بیه پا مالتو

گریوسم مه خنه سی تو…لالکسم مه لولکسی تو

گوتی د ما تو مه نمیرم یاری…یار گریتنت منه ون و خاری

اکه خدا نکه عزیزم تو بمیری…کم آوارم بکو بفتم اسیری

 

دانلود با کیفیت128:کلیک کنید

 

مین سرم منی دهل بازیه….مه رتنم کشکله شیرازیه

وختی مه او رخ ماته دییم…اشدمه گوتم کافر بییم

مین سرم منی دهل بازیه….مرتنم کشکله شیرازیه

عروسکم سی خمه شو بازیم…مسخرتم و خنتم راضیم

د سینکه دل نمنه حالیه…یه دره بی حمال بی والیه

مین سرم منی دهل بازیه….مرتنم کشکله شیرازیه

نشتیه برمات که دس زن دیک…ز شار اسپی کونه ون دیک

کس و سر شکش نی تا اوما…روز هنی هم نشسی ماه اوما

گال منه ون د ولات هیشتو رت…بی سر زو بی دس و لات هیشو رت

غصه نیایه د کمو وا دلم…وقته کموداری بووه قاتلم

مسی چشاشه و چه حالت کشی…برمشه تا مرز خجالت کشی

تو میری د در غصه بی کش میا…د سینم که قیره قلا دش میا

شو شمکی ساز علی سونه بی….ار اسرم ریخت مو هر مونه بی

طرفدارتم مین صد لات و پات…رفیق که آشارکش ها و پات

مه حرفی زم و پاشم بیم….دل ار میگوت بمیر پیاشم بییم

 

دانلود با کیفیت128:کلیک کنید

 

هام د خیال دیینت روز سفر نمیرسه…سی دل پر د داغ مه د تو خور نمیرسه

ایسه هزار ساله که مه بیمه اسیر شوو غم…تا نرسی د آسمو وقت سحر نمیرسه

بی تو د شهر عاشقی هر شو گریوه کارمه…ای ناله نال بی کسی و تو مگر نمیرسه

گر گریته سخون مه پوسسه ریشه جونه مه….سی دار حشک بی ثمر اوری پکر نمیرسه

بهار سوز آرزو چشم انتظارمه بیا…و شاخیا حشک دلم دس تبر نمیرسه

گر گریته سخون مه پوسسه ریشه جونه مه….سی دار حشک بی ثمر اوری پکر نمیرسه

***

تش د دل خی د جگر ا دوسه سی دوس دیریم…هام د فکرش شو روز خدا تا که بمیرم

 

دانلود با کیفیت128:کلیک کنید