بردیا مهرآرا

آلبوم:ویروشه

تو چی باز کهساری آسمو و زیر پاته…….افتاو چی جوم طلای مین تنگه دسیاته

تش زنه د آسمون یا شووه خین چشیاته……دل رزونم یاقی زالنه و زلفیاته

دسِتُ چی دس افتاو میزنه و پشت شونم…….د تو رنگ و ری میره سوزه سیلِ آسمونم

بازوین یادگاری سوراو و بن بازوت…….دل مِی و سرزمینت جو مِی و تش باروت

گریتیه تور فرهاد هرچی کووه بی ستینت…….زخم تیشه ها و تولت سی شیرین سرزمینت

تو چی باز کوساری آسمو و زیر پاته……افتاو چی جوم طلای مین تنگه دسیاته

دانلود با کیفیت 128: کلیک کنید

شاعر:عابد میرزاییان چگنی    آلبوم:ویروشه

متن آهنگ:

 دل تنگ دلت تنگ دل تنگ……فلک وا بخته مه داره سر جنگ

دل تنگ دل تنگ و دل تنگ….چنی دل سی دیینه یارم بیه ننگ

دلم شو وا غمت غاپوره میکه….میشینه سی غریویش کوره میکه

تش عشقم چنو تو ون د جونم….اسر دردم منه پاشوره میکه

هنی هم داغ آرش ها د سینم…. دل پاک سیاوش ها د سینم

اهورا هوره میکه سی دل مه….کسی چونه چنی تش ها د سینه

فلک چی مه دلت خی با همیشه…هناسه سرد پر دی با همیشه

چه دسی بی منو یارم دیک ون….نسیویش درد و نفری با همیشه

 دل تنگ دلتنگ دل تنگ……فلک وا بخته مه داره سر جنگ

دل تنگ دل تنگ و دل تنگ….چنی دل سی دیینه یارم بیه تنگ

دانلود آهنگ با کیفیت128:کلیک کنید

شاعر:غلامرضا سبزعلی       آلبوم:ویروشه

متن آهنگ:

د کجا نه دل بنیم درد گرونه بی حکیمه…حفه که بری دویر رسم دوسی قدیمه

شو که مووه تا سحر شو میزنم و شونه دیوار….د زمینو د زمو غم میواره چی برگ قدار

غم میواره غم میواره غصه یا دل بی شماره

مار شون کم ضحاک قپ زئه د خین ا یار… که هنی انوه د باره خاک سرزمینت ا یار

های کجا که هیچکسی جای تونه سیم پر نمیکه…هر چی جو میکنم دسم و دسات بر نمیکه

دس و دست بر نمیکه هیچکه جات پر نمیکه

چی گرین بیخیال هیسایه د باد و بارو….هیچ خور ناری د حال بیقراری بیقرار

غم نشسه د دلم چی کنه برفه کوه الوند…هر کجا مه عید اوما د نیمه ره پام د گل من

بیقرارم بیقرارم طاقت دل کنه نارم….بیقرارم بیقرارم دلی سی ورگشته نارم

مه و دیریت مایلم نه بی تو دل آروم میره….دیر و دنیا منمه وقتی یارم د مه دیره

میزنی وا ناز چشمه همنه جو حراجه….یا بکش یا بکو چاره درد نا حلاج

وا تونم یار وا تونم یار بگزر دس د مه وردار

 

دانلود آهنگ با کیفیت 128:کلیک کنید

 

متن آهنگ:

لیلیِ بیخیالِ مه فکری بَکو و حالِ مه……دونی زِمی هرده تونم دَسی بَزه د بال مه

آشفته حالم کردیه  زِنَ و چالِم کِردیه…….چی بالنه دو آسمو اشکسه بالم کردیه

سر منو سامون مه گرمی دل ویرونه مه…….دی شو بارونی نرو بازی نکو وا جون مه

آه منو ناله منی عشق هزارسال منی…….چارهخ دل ناچارمی روشنی تاله منی

پشت عذاو عشقتم تشنه شراو عشقتم….هرچی جفا میکی هنی حونه خراوو عشقتم

دانلود با کیفیت128:کلیک کنید