دانلود آهنگ حشمت رجب زاده به نام سفید کوه

غمی ها د درینم چن سفید کوه

کسی باور نمیکه جز من تو

تشی ها د دل سوختم تو دونی

سیچی سل میکی سر میلرونی

همه گوشت و سخونم وا رگ پوس

بیه د گوم تش سل میکنن دوس

جگر خینم کجا بورم شکایت

و کی جز تو بووم ا دوس حکایت

سی چی بی حاصله رنج و عزاووم

کی پر کرده د ژر جوم شراوم

مه هم داشتم د سر شوری شوقی

تو ونی د ملم زنجیر توقی

تو که هم درد هم درمون دردی

سیچی وا مه چنی بی میل سردی

تو تش ونی چنی د خرمن دل

زمام بازی ها میزنی کِل

همه دنیام تونی وا ملک هستی

همه دینم تونی با بت پرستی

همه شوق همه شور نشاطم

تو هر جا پا بنی ه خاک پاتم