مرجع دانلود نوحه لری

مداحی سرباز رشیدم   مداح:رضا موسیوند

متن مداحی سرباز رشیدم رضا موسیوند

***

دیدار تو اکبر افتا و قیامت

سرواز رشیدم روله و سلامت

بارون مصیبت میواره و جونم

ا روله شهیدم سوختی تو سخونم

روله سر و دسم بی جو بدنته

رسوایی کوفه خین کفنته

روله سفرت وا کشتی نجاته

و بدرقه یتو نور صلواته

دیدار تو اکبر افتا و قیامت

سرواز رشیدم روله و سلامت

آیین رسوله شمشیر تو یاور

ا آز دو دسم ا شبه پیمبر

روله همه ی عالم دل خین عزاته

شرمنده ی لویا حشک فراته

تو باور دینی پروانه ی عاشق

تا روز قیامت سرمشق خلایق

دیدار تو اکبر افتا و قیامت

سرواز رشیدم روله و سلامت

زخم بدن تو فواره ی خینه

خین تو نشونه مظلومی دینه

سوز دل دل زینب عرش برینه

و ری دل زارش داغ تو سنگینه

سی آل محمد سرواز دلیری

ا نور دو چشم حیفه تو بمیری

دیدار تو اکبر افتا و قیامت

سرواز رشیدم روله و سلامت

د راه حقیقت جون تو فدا بی

تسلیم رضا و تسلیم خدا بی

دونم که خدا هم وا مهدی قائم

میسونه تقاص د لشگر ظالم

رتی و سلامت یادت بووه روله

که منتظر تو آغوش رسوله

دیار تو اکبر افتا و قیامت

سرواز رشیدم روله و سلامت

 

دانلود مداحی با کیفیت128:کلیک کنید

 

مداحی میر و غمخوارم  مداح:رضا موسیوند

متن مداحی میر و غمخوارم رضا موسیوند

***

سر بکش ساقی و خمه سوخته

خوورت بی کس چش ورت دخته

دردت و جونم بی هونمونم

رتیه برار لال با زوونم

ا علمدارم میر و غمخوارم

بی تو دی صحرا د کسی نیارم

حسینت بی کس یکو تنیا

منه د میدو کور مرتضی

یکی وا شمشیر یکی وا نیزه

د لش سرخش خی ها میریزه

ا علمدارم میر و غمخوارم

بی تو دی صحرا د کسی نیارم

کافرو اومان نیزه دارونه

سی دل تنگم اور بارونه

دل پریشونم سی لش بی سر

د عزیزونم میارن خبر

ا علمدارم میر و غمخوارم

بی تو دی صحرا د کسی نیارم

کاشکی بمیرم نروم و هونه

د شیش برارم من یه نشونه

روله برارم سیش پرستارم

نینم داغش ای یادگارم

ا علمدارم میر و غمخوارم

بی تو دی صحرا د کسی نیارم

 

دانلود مداحی با کیفیت128:کلیک کنید

 

مداحی دس گیر بی دس   مداح:حاج علیرضا قهرمانی

متن مداحی دس گیر بی دس علیرضا قهرمانی

***

دس گیر بی دس کسو کارمه

حضرت عباس علمدارمه

ا سو سوار دشت سرخ لاله

پا بک د رکاو روز افتخاره

حسین برارت چش و ره د میدو

بهشت سر مد فرش زیر پاتو

دس گیر بی دس کسو کارمه

حضرت عباس علمدارمه

ظهر عاشورا د سوز گرما

زینب خوورت پا پتی بی پنا

یه سر و خیمه یه سر و میدو

زیر لو محونه آیات قرئو

دس گیر بی دس کسو کارمه

حضرت عباس علمدارمه

 ا عشق حیدر ا قلب خوور

بچو چش و ره مشکتن دم در

باب الحوائج کور ام البنی

ا پهلونه شیعه ری زمی

دس گیر بی دس کسو کارمه

حضرت عباس علمدارمه

تو پیک عدلی بین حق و باطل

برمو کاخ او یزید قاتل

در و درشو بک د کرب بلا

بیر تقاص خین پاک شهدا

دس گیر بی دس کسو کارمه

حضرت عباس علمدارمه

و سلامت برار سلطان وقا

سخته خداحافظی ا یل مرتضی

آسمو اشک غم چی گلاو میواره

روزمه بعد تو چی شو تاره

دس گیر بی دس کسو کارمه

حضرت عباس علمدارمه

عرش کبریا و زیر پاشه

دعای ام البنین پشت پناشه

ستون آسمو دساکه عباس

تک سوار دینه پیک حق ناص

دس گیر بی دس کسو کارمه

حضرت عباس علمدارمه

 

دانلود مداحی با کیفیت128:کلیک کنید

 

مداحی یا حسین   مداح: کربلایی رضا موسوند

متن مداحی یا حسین رضا موسوند

***

یا حسین یا حسین

ماه مه سالار عشقه

حسین

نقطه ی پرگار عشقه

حسین

تا قیامت وا حسینه

افتخارم دم یا حسینه

یا حسین یا حسین

رهبر مظلوم عاشق

حسین

معنی قرآن ناطق

حسین

عزتم مجلس با صفاته

حاصلم روضه یا کربلاته

یا حسین یا حسین

ا نگین خاتم عشق

جون نثار اعظم عشق

حون عالم فدایی سر تو

اشکسه نیزه د پیکر تو

یا حسین یا حسین

راحت جو زینت دل

حسین

مرز بین حق و باطل

حسین

ها و ری نه سر انور تو

بی عزادار تو مادر تو

یا حسین یا حسن

دانلود مداحی با کیفیت128:کلیک کنید

 

پرپر میزنه دل د دور حرم یار…حاجت بیریمو د ابوالفضل علمدار

خاک زیر پات سرمه ی چشه سی عزادار..درد همه ن بکو دوا عاشق بیمار

پرپر میزنه دل د دور حرم یار…حاجت بیریمو د ابوالفضل علمدار

د عرش زمی هور ملک عاشق دیدار…چی یوسف کنعانی،مصر سر بازار

پرپر میزنه دل د دور حرم یار…حاجت بیریمو د ابوالفضل علمدار

د جنگ جهاد هر ذو دس د و برارش…د کرب بلا هر چجی که داشت کرد و نثارش

پرپر میزنه دل د دور حرم یار…حاجت بیریمو د ابوالفضل علمدار

تو ماه بنی هاشمی سرار سپاهم…تو دادرس بی کسیای کَسُ کارم

پرپر میزنه دل د دور حرم یار…حاجت بیریمو د ابوالفضل علمدار

 

دانلود با کیفیت128:کلیک کنید

 

شیرون شهید کربلا غرق و خینن…ای جمع شهیدو همه شو یاور دینن

ای گل کفنا شیر شهید نینواین…محبوت خدا یاور دین بحر زمونن

شیرون شهید کربلا غرق و خینن…ای جمع شهیدو همه شو یاور دینن

د کنج شجاعت رفته هفتاد و دو با…حفتینه برارون یلم د دل سی خا

د مرحله ی عشق گذر کردن یارو..وا شور حسینی دل پا وا تن صد چاک

شیرون شهید کربلا غرق و خینن…ای جمع شهیدو همه شو یاور دینن

هم دفتر عشق وا خین یارو بیه امضا…هم کنن یارو خدا دل د ای دنیا

هم اهل صفا خیمه رنه د گذر عشق…هم بیرق گلگون شجاعت بیه برپا

شیرون شهید کربلا غرق و خینن…ای جمع شهیدو همه شو یاور دینن

هم یاد پیغمبر و احد کردنه یارو..هم گل چی گلچین ستم د گل ازارو

نونم کی بیه که تیر زیه و حلق اصغر…نونم که سیچی خیمه ی یارو بیه ویرو

شیرون شهید کربلا غرق و خینن…ای جمع شهیدو همه شو یاور دینن

تا نقش سیاهی ستم هی رنگ هم هی..تا دشمن دین مصطفی هی جنگم هی

تا ظلمت کفر هی د جهو مرد جهاد هی…تا شیشه ی عمر کافرو هی سنگ هم هی

شیرون شهید کربلا غرق و خینن…ای جمع شهیدو همه شو یاور دینن

 

دانلود با کیفیت128:کلیک کنید