مداحی رضا موسیوند

 د بار غمیا اشکستم …د داغ جد اطهرم

د روز اول غم اوما….پرده کشی و ری سرم

اما دلم خوش بی حسین ها د کنارم تکیه زیه بیم و قد بالا برارم

سلام ا گل پرپرم…. سلام ا همه باورم

سلام ا قرار دلم…سلام ا عزیز مادرم

هرو د او شو که دلم اشکس د داغ مادرم….یه عمره دل خین در دیوار مسمار درم

اما دلم خوش بی حسین ها د کنارم تیکه زیه بیم و قد بالا برارم

سلام ا امیرم علی و عشقت اسیرم علی…د داغ سر اشکسه الهی بمیرم علی

گرد یتیمی وم نشس ماه خدا رت د سرم…و ضرب تیغ ا دکینه فرق علی شق القمر

اما دلم خوش بی حسین ها د کنارم تکیه زیه بیم و قد بالا برارم

سلام ا شه بی حرم…سلام ا امیر کرم

امام کریمم حسن…سلام ا مه محترم

وقتی و زهر کینه یا پاره جگر بی مجتبی…بی بیت الاحضان قلب مه د غربت آل عبا

اما دلم خوش بی حسین ها د کنارم تکیه زیه بیم و قد بالا برارم

سلام ا هوادار مه…برار وفادار مه

فدای قد قامتت…برار علمدار مه

دس برار پلوو د لو نهر علقمه د تن جدا بی قامت مولای مظلومم خمه

اما دلم خوش بی حسین ها د کنار تکیه زیه بیم و قد بالا برارم

سلام ا سر بی بدن…سلام ا تن سر جدا

سلام ا عزیز دلم…سلام ا حبیب خدا

مه زینبم که د دلم ریشه زیه دار بلا…لش برارم بی سرم منه د خاک کربلا

ایسه که تنیا منمه هرو و حالم…یا رب د هجرون حسین تا که بنالم

آقام حسین آقام حسین

 

دانلود با کیفیت128:کلیک کنید

 

ا اهل حرم  دس ابوالفضل جدا بی…یه دسه گلی بی که تقدیم خدا بی

قلتونه و خی ماه مدینه …سرلشگر بی مثل قرینه

منه و زمی مشکل پتینش…د راه خدا رختسه خینش

د ماتم سقای حرم ماه دل آرا…خم بی کمر پور علی زاده ی زهرا

هجرون  یل ام بنینه..فریاد فقو داره سکینه

صاب علم دین خدا رت…آروم دل خین خدا رت

بی یاور تشنه مننه خیمه یاسحساس..منه و زمی دس یدالله ی عباس

عالم بیه مدهوش عزادار…د ماتم عباس علمدار

ماتم گریته زینب اطهر…د داغ دو دس کور حیدر

وقته سفر یار وفادار حسینه…ایام عزا د غم سردار حسینه

اشکس کمر حضرت زینب..هیرو د غم غربت زینب

رته  د کفش تاو قرارش..می ناله د هجرون برارش

لش یل دلدار علی نقش زمینه…هیرو علم دین خدا غرق و خینه

سرباز وفادار ولایت…پروانه ی مصباح هدایت

وا فرق دو دس جدا رت…لو تشنه و دیدار خدا رت

عباس علی پاره بدن منه د میدو..غم بار عزاداره دل شاه شهیدو

 

 

دانلود با کیفیت128:کلیک کنید

 

 

داغ هجرون تو میزنه تیرم…یا اباعبدالله بی تو می میرم

دلبر دلدارم ماه شوگارم…بی غم عشق تو تا ابد خارم

دل فقط وا عشقت آبرو داره…مرحبا قلبی که وت گرفتاره

تا ابد عشق تو نور شویامه…اسم زیبای تو ذکر لویامه

ا عزیز زهرا شهریار دل…عشق و آیینت افتخار دل

د غمت یا مولا دل گریونم…نذر عشقت قلبم و جونم

ا سرت و ری نیزه جو فدای تو…اهل عالم بینه و گدای تو

آیت ایمونه راس تو ری نه…قاری قروونه راس تو ری نه

ا همه امیدم یوسف زهرا…اهل دین افتانه تشنه در صحرا

عالمی دل بسته و ظهور تو…عشق مه یا مولا باب نور تو

پاسون دینه خین پاک تو…تا ابد می مونم سینه چاک تو

 

دانلود با کیفیت128:کلیک کنید

 

غم دیرین تو ا برارم ا برارم ا برارم…اشکنا کمرم تک سوارم تک سوارم

زینبم نگریو بکو زاری بکو زاری…خیلی سخته خوار بی براری بی براری

یادگارم بیه مشک حالی مشک حالی…بعد تو پشت مه بیه حالی بیه حالی

اصغرم تشنه جومی آوه جومی آوه…سکینه جگرکش کواوه کواوه

برارم بی تو مه یاری نارم…یار غمخوار سقای نارم

د مین خیمه آوه ی نمنه آوه نمنه…د چش اصغرم خاو نمنه خاو نمنه

دانلود با کیفیت128:کلیک کنید

هرو هرو کو همسفر مه….هرو هرو هرو اشکس کمر مه

د خاک غریوی دلگیر اسیرم…رته و سر نی سلطان امیرم

هرو هرو کو رأس برارم….هرو هرو بی یاور یارم

مه عازم شامم وا قد کمونم…هجرن برارم بی قاتل جونم

هرو هرو مه زینب زارم…هرو هرو غم بی و دچارم

یا رب تو گواهی سالار شهیدو…بی یاور بی سر افتایه د مدو

هرو هرو قلبم پر خینه…هرو هرو قتل شه دینه

وا تیغ جهالت پرپر بیه یارم.امید دلمه رته د کنارم

هرو هرو کو نور امیدم…هرو هرو کو شاه شهیدم

رتن و سر نی شمس و قمر مه…ناله بیه کار شام و سحر مه

هرو هرو سی بار گرونم…هرو هرو کو راحت جونم

 

 

دانلود با کیفیت128:کلیک کنید

 

منه دیونه کردی یا ابوالفضل یا ابوالفضل….د دلم حونه کردی یا ابوالفضل یا ابوالفضل

توی شاه امیرم یا ابوالفضل یا ابوالفضل….مه که بی تو میمیرم یا ابوالفضل یا ابوالفضل

تونی تنیا پناهم ا برارم ا برارم…و خدا جز تو مه عباس برارم د کسی نارم

ار خوور یه براری ناره و خدا بی اعتباره….دلم سی زینب میزنه جوش مردمونی براری ناره

 

 

دانلود با کیفیت128:کلیک کنید