متن آهنگ

زنئی بی چش تو چی قورسونه دالکه……ای خدا هرگز تونه د مه نسونه دالکه

سایه ات د سرم کم نووه……غصه وا تو هوم دم نووه

دل نازکت دالکه…..خدا نکه پر غم بووه

ار همه دنیا سیم بکن قواله دالکه…..قیمت یه گوشه د چش تو ناره دالکه

سایه ات د سرم کم نووه……غصه وا تو هوم دم نووه

دل نازکت دالکه…..خدا نکه پر غم بووه

میگشتی دور مه چی دار مرادی دالکه…دواره موجم ده ی وا کل شادی دالکه

سایه ات د سرم کم نووه……غصه وا تو هوم دم نووه

دل نازکت دالکه…..خدا نکه پر غم بووه

دانلود با کیفیت128:کلیک کنید

 

دلم سی دوس دیری بیقراره…….شو و روزم تمومی انتظاره

کسی احوالمه هرگز نپرسی…..لبم چی گیس دلبر بیشماره

کیان آشنایی کرده پیرم……چی یه کوگی مه د دامت اسیرم

دعا  میکم که تا زیتر بمیرم…..که دونم درد دیری چاره ناره

امید زندگیونیم تونی تو…..گل باغ جونیمه تونی تو

اسای دس پیری مه تونی تو……د عشقت ار بمیرم افتخاره

جفا کردی د مهرت کم نکردم…..دنونم ری جگر بی خی میحردم

بیا سل کو گری وی رنگ زردم……هنام کو د رخسارم دیاره

چشاکم د فراقت پر د خینه…..زنه ی بی تو خدا دونه غمینه

خیال کردی که روز آخرینه…….گره وا کو د کارم ا گلاره

دانلود با کیفیت 128:کلیک کنید

وه  وه وه قاصُدِ وو ره میری قاصُدِ وو ره میری

دورت بگردم سی دیار دوست میری هِروهِ وا رسم دردم

روزگار کم هه بَنی داغ ری دل تنگ

 تاکِ وا سُخته دلو هِروهِ داری سرجنگ

چی بَکَم دَس اجل بُری نهالِم

روزگارم سی بیه هِروهِ شیوِسه شارم

دانلود با کیفیت 128:کلیک کنید

امرو چن روزه که د تو دیرم

بی تو دلتنگم بی تو دلگیرم

دیونم کردی بیچارم نکو

د حونمونم آوارم نکو

بردی قرارم که ها بیایی

چی تونی نارم که ها بیایی

دل پریشون آشفته حالم

مه چی یه مرغ اشکسه بالم

د سینه مرده شوق پروازم

غم میباره د شور و آوازم

وقتی تو نیسی دنیا چه سرده

باغ و بهارم پاییز زده

تو چی نسیم گرم بهاری

وا خوت هوای تازه میاری

امرو چن روزه که د تو دیرم

بی تو دلتنگم بی تو دلگیرم

دیونم کردی بیچارم نکو

د حونمونم آوارم نکو

بردی قرارم که ها بیایی

چی تونی نارم که ها بیایی

لینک های دانلود:

دانلود آهنگ با کیفیت 128

 

جمیله زردی و شونه گری……چی کاسه همسا د حونه پری

طلایا حنا افتاو بهار……مشتی ور افتاو مشتی د نسا

اسپیکو یقه اش برگردو……چی کر جهالی ز و دسگیرو

کرو سر داری مخمل پوشیه……د مین دامونش آهو زاییه

شر ریق و برد زیر آژیه……کل ها دِ پرواز ، تفنگ شیر بیهَ

و ریق برگ برگ بلیه…….ایوار میمونم هشتا پلیه

دولمن مری وعده دارش واش…..وا یار سوز کرده د هم آریاژ

هشتنار هوما بو سوارش…….برفاو گهر، آیینه دارش

بهار مال ونه کور سوز کوفتی……باروناو شوته تژگا کرمی

هفت پوش کور شووش و بارو…….دیار درد دی نها زوآرو

وا حنا میا و پا بناری……ورادی میا بشر بیاری

چرچی بهارو پر خورجینش……کویا لرسو هان د کمینش

پر د بهاره درای چرچی……بری سرداری بری سرونی

گو مال س سوز پر بی دشت……گل گل نازارا اومانه گل گشت

دولمن مری وعده دارش واش……وا یار سوز کرده د هم آریاژ

اوشتِرانکو وا فوج سوارش………برف آو گهر کاری ندارش

بهار مال ونه کور سوز کوفتی……باروناو شوسته تژگا کرمی

هفت پوش کور شووش و بارو……دیار درد دی نها زوآرو

وا حنا میا و پا بناری…….ورادی میا بشر بیاری

دانلود آهنگ با کیفیت128:کلیک کنید

 

آلبوم:یافته

مه که بالینم غمه شوقم وچی ذوقم وچینه…….همه رتن ا عزیزم وَلا کَس وا مه نمنه تو عزیزم

باغو مرغ دلم نیا و درختت نیا و درختت……کش نکو تا لیز بیره تو کوش بختت تو کوش بختت

…….

…….

ای قلا مال کیه آجرش نظامیه…..قلاکه شا دوماوه که عزیز گرامیه

حنابندونه امشو شادی زنونه امشو……کل بزنیت شادی بکید عروس برونه امشو

ا قلا مال کیه صدا سازی دش میا…….قلاکه شادوماو عروسش وا ناز میا

حنابنونه امشو شادی زنونه امشو……کل بزنیت شادی بکید عروس برونه امشو

سیت بیارم سیت بیارم باری گل یاری حنا…….گلیا سی سر جامو حنایا سی دس و پا

حنابنونه امشو شادی زنونه امشو…….کل بزنیت شادی بکید عروس برونه امشو

قلنیته بیارتو عروس بووه سوارش…….دسه گل دسی منحل بنیت د بارش

ا قلا مال کیه صدا سازی دش میا……قلاکه شادوماو عروسش وا ناز میا

حنابنونه امشو شادی زنونه امشو….کل بزنیت شادی بکید عروس برونه امشو

 

دانلود آهنگ با کیفیت 128:کلیک کنید