دانلود

شاق شاق غمینی ها میا و گوشم د دیر…درد دل کوگیه که بیه خسته و پیر

درد کوگ درد گرو درد او تنیاییه….شاق شاقش سر کو عشق او فراریه

ا کوگه درد مه هم مث او درد تونه…دوتامو وا یک بنالیم د دس ای زمونه

کوگ نمیاها پر بیره و دنگ هر تفنگی…آماده مرده بیه او وا یه دل تنگی

هزارتا غصه داره د مین دل و سینه…چی کوی که شو روز برف و سرش بشینه

ا کوگه درد مه هم مث او درد تونه…دوتامو وا یک بنالیم د دس ای زمونه

د سر کوو بلن موهوره هزار قسم…مووه جن فدای یارم ار و یارم برسم

خدا بکه روزی یار بیا و باغمو…چی بلبل و یاد گل بیره سراغمو

ا کوگه درد مه هم مث او درد تونه…دوتامو وا یک بنالیم د دس ای زمونه

آسمو تو شاهدی شو روز سیم نمنه…آروز و دل بیمه بینم یه زرد خنه

خدا بکه روزی یار بیا و باغمو…چی بلبل و یاد گل بیره سراغمو

ا کوگه درد مه هم مث او درد تونه…دوتامو وا یک بنالیم د دس ای زمونه

 

 

دانلود با کیفیت128:کلیک کنید

 

 

هنی شوق سفر گل کرد د جونم…هنی هم رت دل بی هونمونم

خیال کردم یه مالگه آخرینه….هنی تش ون د پرچین گمونم

چنو لوری سی سفر نو….خدا دونه چشه ای دل مه چونم

منی میره ولات پابرونی…چنو بی طاقتم دل ناگرونم

زلم میره و دس خوم نی خدایا….چمه امشو چنی تش ها د جونم

هنی شوق سفر گل کرد د جونم…هنی هم رت دل بی هونمونم

خیال کردم یه مالگه آخرینه….هنی تش ون د پرچین گمونم

 

دانلود با کیفیت128:کلیک کنید

 

روزی روزگاری رتم سراغ یاری…شاید بووه نصیوم یه یار وفاداری

کموتر عشق مه پر میزنه سی چینه…سی او یار دیرینه دل پر آو خینه

ولا مثال مجنون هوش د سرم نمنه…ترسم لفتم د دامی وا زده خنه

کموتر عشق مه پر میزنه سی چینه…سی او یار دیرینه دل پر آو خینه

 طاق مه د آسمو مث کهکشونه…چی بکم برارو درد مه گرونه

عزیز گرفتارم مشکل بکوش د کارم…امید آرزومی جز تو مه کسی نارم

سی چی رحمی نمیکی وی حال حال رنگ زردم..حکیمی سیم بیاری بکه علاج دردم

کموتر عشق مه پر میزنه سی چینه…سی او یار دیرینه دل پر آو خینه

روزی روزگاری رتم سراغ یاری…شاید بووه نصیوم یه یار وفاداری

کموتر عشق مه پر میزنه سی چینه…سی او یار دیرینه دل پر آو خینه

 

دانلود با کیفیت128:کلیک کنید

 

آهنگ آز دل   خواننده:سیف الدین آشتیانی

متن آهنگ آز دل سیف الدین آشتیانی

***

وا تونم وا تونم بین افتاینم

بشنو صدامه صدا کو بیینم

آهنگ هو کنیم  خواننده:ایرج رحمانپور

آلبوم هنا ایرج رحمانپور

متن آهنگ هو کنیم ایرج رحمانپور

***

وِری ساقی وِری اِ دوس

بَزنیم تال بَزنیم  کُوٌس

هو کِنیم ها کِنیم

یَکِنِ هنا کِنیم

غَم کویا پیر تاریخ برف کهنه آوٌ مُوَه

چشمیا چَن ساله مُوردَه دشتیا حُشکُ پَتی

سیر دِ برفاو مُوَه

هی هی هی هی

بیا اِ دوس کِه بیمارم

هزار ساله کِه سی دارم

بیا سر وِ دِلِم بکش

جون سرد مِه بَزِه تَش

داری درد مِــه تو داری

وا تو آخِرِ بیماری

لینک های دانلود:

دانلود آهنگ با کیفیت 128

آهنگ بی کش    خواننده:ایرج رحمانپور

آلبوم هنا ایرج رحمانپور

متن آهنگ بی کش ایرج رحمانپور

***

پِچ پچِ بی کشِ پَستو آرم آرم بی وِ فریاد

گُل نِشَن و سینه صخره سنٌگ کویا جور فرهاد

آسِمو تَمدار اُوری تَمِ اُورِش خین دِ بارَن

هفتا گاو خاٌو یوسف ها دِ شوگار می گُوارَن

شُو دیز زَخمی و خه قار بُورد خَوَر وِ ایل پَرویز

شیرین رو دُخت گَلَه سفیدَه دِ کویا سرریز

لیلیه سی پُوشِمینَه دِرآورد جومِه سیاشه

دختر ژاری وِ خَنَه سُرمَه کَشی چَشیاشه

سال خی نی سال بَرفی سال حیض مَردِمونی

وا شِرار شُعله کینه تَش نیان دِ زِمِسونی

آسِمو تَمدار اُوری تَمِ اُورِش خین دِ بارَ

هفتا گاو خاٌو یوسف ها دِ شوگار می گُوارَ

لیلیه سی پُوشِمینَه دِرآورد جومِه سیاشه

دختر ژاری وِ خَنَه سُرمَه کَشی چَشیاشه

لینک های دانلود:

دانلود آهنگ با کیفیت 128