دانلود آهنگ بویراحمدی

آهنگ کنار غریو    خواننده:رحیم عدنانی

متن آهنگ کنار غریو رحیم عدنانی

***

کنار غریوم که برد نصیوم

یه عمره که سی خوم ایگم ایگریوم

سر لشک زردم بخون کوگ رشته

ندونی ز دیریت چه ور مو گدشته

مو همدا پوییزم که شیوسته لیزم

بیو تا پرامه به پا تو بریزم

مو کارون دردم تیام هرس و خینه

دل تنگ خوم دی کلم نینشینه

دلم جور دینشت سر تش ایبازه

ز درد غریوی ایسوسه ایسازه

دل جل به کولم که وسته به دیندات

بیو تا بخوسه به شولیز تیات

دو انگشت سهرن تیام از غم تو

دیه تش بلوزی مکن وا دل مو

مو سهدم برشتم دلم گرمسیره

تو ایلاق سوزی که دل سیت ایمیره

تو که آسمونا تلیشه قواته

لوت حوشه حوشه چی باغ نواته

دل چاله گردم هنی موتلاته

که آستاره هر صو چی نابند ناته

ندونم کی ای تو مهی یا که افتو

چه سهدم ز دیریت بیو دی تو امشو

چه تهله شرینم ز دیریت بمیرم

مو برفم تو افتو بزن تا بچیرم

 

دانلود آهنگ با کیفیت128:کلیک کنید

 

آهنگ بلال    خواننده:میثم خسروی

متن آهنگ بلال میثم خسروی

***

تیه لت شکالیه تیلت شکالیه

تیه لت شکالیه وای برگت کمونه

آهنگ درد آشنا     خواننده:جاسم خدارحمی

متن آهنگ درد آشنا جاسم خدارحمی

***

دردمه  و کو بگوم طاقت نیاره

ار بگوم و آسمون ترسم بواره

دردمه دردمه و کی بگوم دردمه

دردمه و کی بگوم

تا خیالت گل کنه و باغ جونم

داغ دیریت تش زنه و استخونم

دردمه دردمه و کی بگوم دردمه

دردمه و کی بگوم

دردمه و کی بگوم درد آشنا نی

سی دل پر درد مو ایگون دوا نی

از غم و درد دلم کس با خور نی

ناله ی درد منه ایگون اثر نی

دردمه دردمه و کی بگوم دردمه

آخی دردمه و کی بگوم درد آشنا بو

 

دانلود آهنگ با کیفیت128:کلیک کنید

 

آهنگ ته تغاری         خواننده:شروین پناهی

متن آهنگ شروین پناهی ته تغاری

***

مو لرم آخی لر خش گفت و لفت جونم عشقم پاک پاکه

دلبرم آخی شم نم ایکنه جونمتا بندر بچاکه

دهسلت آخی خدا پنبه ی سفید جونم دل سیت پاره ریزه

چشملت بو بو چنگیز خان مغول ترسم خینمه بریزه

هم سفیدواشی هم سنگین دلی جونوم هم بی اعتباری

یه تشی بوبو های بر ایکنی جونم ای گل ته تغاری

هم سفیدواشی هم سنگین دلی کافر هم بی اعتباری

یه شری آخی خدا چاق ایکنی جونم ای گل ته تغاری

کاغذی آخی خدا امضا کنم جونم وو رسم شکایت

بوورم تی خان تا پرس وت کنه جونم سی دل وم ندادت

شاهدی آخی سی دلم ایگروم کافر سی روزل نباید

قسمش دامه وازگو کنه آخی فیس آوا وی دل مو حکایت

دهسلت آخی خدا پنبه ی سفید جونم دل سیت پاره ریزه

چشملت بو بو چنگیز خان مغول ترسم خینمه بریزه

مو لرم آخی لر خش گفت و لفت جونم عشقم پاک پاکه

دلبرم آخی شم نم ایکنه جونمتا بندر بچاکه

ور بهون آخی خدا زر دار بلی جونم خدا نشهسه بیدی

پهلله آخی مث فرخ لقا جونم خدا یه بهسه بیدی

دلبرُم آخی خدا خان زایه بی جونم لو خنده ش شفا بی

دهسلش آخی سی دل دردلم جونم مث کو کو دوا بی

هم سفیدواشی هم سنگین دلی جونوم هم بی اعتباری

یه تشی بوبو های بر ایکنی جونم ای گل ته تغاری

 

دانلود آهنگ با کیفیت128:کلیک کنید

 

آهنگ گله کرده    خواننده:میثم خسروی

متن آهنگ گله کرده میثم خسروی

***

عزیز باز گله کرده دوور باز گله کرده

به قربونت عزیزم دلم باز بونه کرده

آهنگ دای دای   خواننده:شروین پناهی

متن آهنگ دای دای شروین پناهی

***

اسم قشنگت من قلبم تک تک ایزنه

عشق زلالی که و دل بو تش تش ایزنه

شک مکو وی مرد بیو دل مو هنی پی تنه

هنی کلوتم تا قیومت تییم تی تنه

هرشو و جی ماه و ستاره تو نه فرض ایکنم

ال ایگرم من آسمون دلت قرض ایکنم

دل مو و عشق خواسنت دلش و او ایزنه

سی که و خو بینه تو نه هی خوش خاو ایزنه

دای دای تو کلوم کردیی نونم چمه

دای دای در و دیوار همش عکسل تو نه

دای دای تو بگو چه کردیی سی خدا

دای دای که بشینه وی ملوسیت کنه

دای دای تو کلوم کردیی نونم چمه

دای دای در و دیوار همش عکسل تو نه

دای دای تو بگو چه کردیی سی خدا

دای دای که بشینه وی ملوسیت کنه

هر نفسی که ایکشم اسمت بنگ ایکنه

بی خوری سیل کردنت دل من گنگ ایکنه

خاو من تعبیر ک بیو جی تو من آسمونه

دست و دسم بیه که داشتنت آرزومه

هرشو و جی ماه و ستاره تو نه فرض ایکنم

ال ایگرم من آسمون دلت قرض ایکنم

دل مو و عشق خواسنت دلش و او ایزنه

سی که و خو بینه تو نه هی خوش خاو ایزنه

دای دای تو کلوم کردیی نونم چمه

دای دای در و دیوار همش عکسل تو نه

دای دای تو بگو چه کردیی سی خدا

دای دای که بشینه وی ملوسیت کنه

دای دای تو کلوم کردیی نونم چمه

دای دای در و دیوار همش عکسل تو نه

دای دای تو بگو چه کردیی سی خدا

دای دای که بشینه وی ملوسیت کنه

 

دانلود آهنگ با کیفیت128:کلیک کنید