حشمت رجب زاده

ها و یادم ساوکه خش آو رنگت دالکه…گوش دل مینشس و پا حرفا قشنگت دالکه

دالکه آروم جونم دالکه تاج سرم…هم نشین شوو روزم ار نووی درودرم

ها ویاد اوسه که سیم لای لای می هنی…اسرام پاک میکردی تو و پر گلونی

خنیا شیرن تو غم د دل میکرد و در…ایسه مفتم ویر چشت چشت قلبم مووه تنگ

ها و یادم ها ویارم او کنجکه ورت…دالکمه دار و ندارم کل بوون سیقه سرت

 

دانلود با کیفت128:کلیک کنید

 

ا دله تو عاشقیو اهل دردی…ه منی شو لیز تنگ آه سردی

حرف تو حرف زونه عاشقونه..هر کسی عاشق بووه حرف تو دونه

شور عشق تو نیا د جون فرهاد…که و تیشه بی ستینه کرده آباد

دل دردو ا دله هم هی د بازار….عاشقونم و دل دردو خریدار

عاشقا درد تونه د جو خرینه….دس د دنیا شوستنو د جو برینه

 

دانلود با کیفیت128:کلیک کنید

 

نیایی شوری د دل شوقی د جونم…راه و رسم عشقنه دِیی نشونم

وم گوتی جز عشق تو عقشی نیرم….تا هیسم عاشق بووم عاشق بمیرم

آخ داد ای دل،عاشقی حرف دل بازی جونه…نه و چشه عاشقی نه و زوونه

*****

دس نامحرمی میکشه قه ایرو…بلایی ون د جون نوجونو

بیا ای درد درمونش بکیمو…دس نامحرمونه بشکنیمو

چی دریا میکشه نابود میکه..چی تژگاه زِنه اینه دی میکه

وری تا که دس همت وراریم…وری تا ریشه ای افیون دراریم

یه حرفی سی ایمانا افتخاره..که بوون نام نیکش یادگاره

سیتینم لروسنی ا کسونم….بیا ا هم ولاتی هم زوونم

بیا تا لرسونه د دل و جو…بکیم باغ و بیشه چی گلسو

بیا تا و تلاش همت کار…زمینانه بکیم آباد پر بار

 وری تا که دس همت وراریم…بیا وایک باغی بکاریم

یه حرفی دو قدیمو یادگاره…موون که جوهر مردی و کاره

 

 

دانلود با کیفت128:کلیک کنید

 

امشو چی هر شو دل بیقراره…..د باغ عشقت شو نواَ داره

خوت ماه نوی چشات اساره…کم ناره وکه چی تونی داره

خوش رنگ بوی چی گل وا بینه…پر گلونیت بازار چینه

امشو چی هر شو دل بیقراره…..د باغ عشقت شو نواَ داره

بیمارم کردی آلوده دردم… چی قلن مرو مس شو گردم

امشو چی هر شو دل بیقراره…..د باغ عشقت شو نواَ داره

خوت ماه نوی چشات اساره…کم ناره وکه چی تونی داره

بهار باغ سوز آو جوی…تو چی بوسون پینه پر د بویی

تو سی هر دردی بی درمونی دوایی.تو موری دلدم اگر بهایی

اور پر بارونی مه خاکم…سی مشکی د بارونت هلاکم

دلم میها د سایه ات بمیرم…خدا دونه د عشقت اسیرم

امشو چی هر شو دل بیقراره…..د باغ عشقت شو نواَ داره

خوت ماه نوی چشات اساره…کم ناره وکه چی تونی داره

 

دانلود با کیفت128:کلیک کنید

 

دی بهار تا او بهار چش انتظارم….دل دردو د سینه برده قرارم

داغ دیری تش زیه د حونمونم…زیتری پات بنی د مین جونم

رنگ و رنگ همه جا د چمن و گل…کر میکه گوش فلک نالی بلبل

سروکه قد کشیه و باغ و بوستا…نشسته سینه چمن چی نو عروسا

سل بکو و جنگلیا که دار بلی….گوش به و شاخه شاخه او کوک کوهی

بو رسسه ا بلبله هر که ویارش ….خوش و احوال کسی تونی بهارش

 

دانلود با کیفیت128:کلیک کنید

 

مه تنیا تو تنیا دو تا چی برگ زردیم…دوتامو دس و زونی اسیر آه سردیم

تو تنیا و مه تنیا تو وا زم شکارت….تو افتاو بهاری مه چی برف نسارم

تو افتاو روزی مه چی آسار شوگار…دوتا تنیا میسوزیم دوتا زار گرفتار

مه تنیا و تو تنیا مه ویرون تو آباد..تو چی لیلی مه مجنون تو شیرینی مه فرهاد

منم او تک درختی که ریختس برگ و بارم…ایر باد پاییز بیا ا نوبهارم

 

 

دانلود با کیفیت128:کلیک کنید