حشمت رجب زاده

غمی ها د درینم چن سفید کوه…کسی باور نمیکه جز من تو

تشی ها د دل سوختم تو دونی…سیچی سل میکی سر میلرونی

همه گوشت و سخونم وا رگ پوس…بیه د گوم تش سل میکنن دوس

جگر خینم کجا بورم شکایت…و کی جز تو بووم ا دوس حکایت

سی چی بی حاصله رنج و عزاووم…کی پر کرده د ژر جوم شراوم

مه هم داشتم د سر شوری شوقی…تو ونی د ملم زنجیر توقی

تو که هم درد هم درمون دردی….سیچی وا مه چنی بی میل سردی

تو تش ونی چنی د خرمن دل….زمام بازی ها میزنی کِل

همه دنیام تونی وا ملک هستی…همه دینم تونی با بت پرستی

همه شوق همه شور نشاطم…تو هر جا پا بنی ه خاک پاتم

 

دانلود با کیفت128:کلیک کنید

 

 

دوس سفر رته سیچی ری و دما نمیکنه….عشق قدیمش د دلم شعله وپا نمیکنه

آه غریو دل تنگ سر کشیه د آسمو….ناله و آه دل تنگ درد دوا نمیکنه

یاد تو ا دوس قدیم یار وفادار منه…غم که بووه یار کسی شاه و گدا نمیکنه

عشق تو چی درخت پیر ریشه زیه د جونمه….ریشه دار پیرنه هیچکه دجا نمیکنه

گوتم که دلسوز منه همدم دیروز منه…دوس قدیمی که ومه جور جفا نمیکنه

 دوس سفر رته سیچی ری و دما نمیکنه….عشق قدیمش د دلم شعله وپا نمیکنه

 

دانلود با کیفیت128:کلیک کنید

غم عشقت چنی کردم گرفتار…..د دیریکت نه روز دارم نه شوگار

چراغ حونمی امید جونی…د سینه دل میمونه ار بمونی

نرو دیریت غم و دردی سنگینه….بشی تا دل د سینه هم بشینه

چراغ حونمی امید جونی…د سینه دل میمونه ار بمونی

شکارچی بیم شکارم کرده سیلت….زیم وا تیر سیلی باو میلت

دلنم میهاست که بیته نوشکارم…شکارم کردی شیو دی دکارم

چراغ حونمی امید جونی…د سینه دل میمونه ار بمونی

غم عشقت چنی کردم گرفتار…..د دیریکت نه روز دارم نه شوگار

 

دانلود با کیفیت128:کلیک کنید

ا فلک کار بار تو ه چی ناکسونه….داغ نیای د کنج دلم همیشه بهونه ه میمونه

چی قش میگردی د دوم کموتر ه د کوه و بناری…..داری همه جا زیر بال پر چی باز شکاری

چرخ فلک رمی بک و حالم…..سل بک و گوش چش نال نالم

تش گریتم تش گریتم چی هیمه دار بلی…چی یوسف ونیمه د چاه بردیه د یادم

آگر تورف کلی برس و دادم تو ودادم….چی یوسف ونیمه د چاه بردیه د یادم

 

دانلود با کیفیت128:کلیک کنید

ا چرخ گردو تاله رشی تا که…..کت کت بوی ا دل منت کشی تا که

وا مه بخن ا دوس دنیا دو روزه….کَس چی مه د داغ دیریت نمیسوزه

مردم اگر مینت رنگ چنی زرده…چن وقته که دوسم ملش و مه سرده

د آسمون دل رته ستاره آی….امید ای جونم عمر دوواره

بخت ا بکو یاری که روز تنگیمه…که یه چنی روزینه و خاو دیمه

دوس سفر کرده رته بموننه آی …نونه غم دیریش غمی گرونه

 

دانلود با کیفیت128:کلیک کنید

اختصاصی سایت لرمدیا

 

منمه تنیا خدایا ه تو دونی…کشتمه بار غم بی هم زونی

آسمونم سر و سر پر د تب و توز…درد دیری کشتمُ عشقی جگر سوز

ه چی باز نو پری اشکسه بالم…روز و شو دلواپسم کافر وحالم

کافر وحالم کافر وحالم اشکسه بالم…اشکسه بالم کافر وحالم کافر وحالم

چی تل حشکی د داغت ها میسوزم….که میا رمت بیا وی حال روزم

ا وا سل میفریبه نیمه رته…خوت خور ناری د پا وینمو رتی

توژ دلتنگی نشس و شونم ا دوس…مر تو ورگردی بکی درمونم ا دوس

ا سفر کرده تو بو ک ور میگردی…باغ سوز آرزو رته و زردی

سرمه چشم خاک زیر پاته ا دوس….سیک قلبم تا قیامت جاته ا دوس

 

استفاده از مطالب اختصاصی در دیگر سایت ها با ذکر نام منبع مجاز می باشد

دانلود با کیفیت 128:کلیک کنید