استان لرستان

آهنگ کلدر  خواننده:بردیا مهرآرا

متن آهنگ کلدر بردیا مهرآرا

***

کلدر إ اشکفت کهنه سال پیر

إ سجلد گم‌ بیه دورون دیر

آهنگ دلتنگی   خواننده:علیرضا چنگیزیان

متن آهنگ دلتنگی علیرضا چنگیزیان

***

کجا رتن روزیاکه خو خو وا او آیم یا شیرینش

هرکه چنی آفتی آورد ا خدا حوشک با زمینش

دلم تنگه د دس ای زمونه

بیا ا دوس دلم تنگه گرمی کت به و حونه

رتم گشتم کیچه و کیچه گرد ای شهره سراغت

هرجا میرم هرچی مینم زندگیم سرده د داغت

دلم تنگه د دس ای زمونه

بیا ا دوس دلم تنگه گرمی کت به و حونه

د  ایچه تا شهر یارونم خیلی دیر دیره

د فراقت دونم آخری قلب بیمارم میمیره

دلم تنگه د دس ای زمونه

بیا ا دوس دلم تنگه گرمی کت به و حونه

 

دانلود آهنگ یا کیفیت128:کلیک کنید

 

آهنگ دردنامه   خواننده:داریوش نظری

متن آهنگ دردنامه داریوش نظری

***

شفق بی شوو زنگ پررنگ خـس

مه بیم و خدا بی و غم بی و کس

هنی هـــــم نوشتـم د درد دلم

د هر شو عروسی که ها د کلم

و پشت مه پیری چنو تا ونه

جوونی د کلپیچکم جا منه

مه گمه مری نه صدا سخونم میا

صدا گرگ هاری د جونم میا

تل سوخته ی بی کش پر پرم

ولاتی تش ها پشت خاکسترم

میایه هم وروزی که جو میزنم

د مین همه بی وفایا منم

غم اش ور میگرده هر جا رووه

که میله اسریام یلا رووه

نمیهام خدانه نه بعد تو کس

د بوری برو با و تول و توس

خراوم همه اش بار ری گوردیام

له له ی ل غمم خاوو آو بردیام

د نالم فقط نیفه جونی منه

نزیکه بریزم تکونی منه

د زیر یه دنیا غم و داغ و درد

مه کو بیم و دنیا تکونی نحرد

مه هـــــر بیتمه درمیارم د برد

کسی بیمه که نون بازوشه حرد

کسی که نمک گیر ناکس نوی

خوش افتاو بی و زیر سا کس نوی

مه بیمه رفیق قری گرگ پیر

قری تش بریق نوهلمونه گیر

که تش زن و چشیام و چی دی رتن

منن وا دو تا لش که بی خی رتن

تو رو بی خیال منه و بی کسیم

یه روزی یه جایی و یک میرسیم

تو میلی و میری مه مسم و پات

نمیره کسی جات تونه مر نهات

و سیلت موون عمر مه سر میا

د چشیا تو هر چی بوون بر میا

 

دانلود آهنگ با کیفیت128:کلیک کنید

 

آهنگ سنگ صبور   خوانندهکعلیرضا چنگیزیان

متن آهنگ سنگ صبور علیرضا چنگیزیان

***

دالکه دالکه ا داریه درد و بلا

بترین نقاشی دس خدا

دالکه دالکه بویه دل تنگم تونی

شادی ساز خوش آهنگم تونی

دالکه دالکه عمری و دورم چرخسی

وا غمم سوختی وا شادیم خنسی

سنگ صبور بی صدا

دامون تو عرش خدا

باغ بهشتی پیش گشت

پیش کش دسا جر کشت

چیت جامت گل میه هزار هزار

اشکنایه نرخ بوسون بهار

ناره گل نرمی نازت دالکه

و سیقه چارشو نمازت دالکه

سنگ صبور بی صدا

دامون تو عرش خدا

باغ بهشتی پیش کشت

پیش کش دسا جر کشت

شو د بی خواوی چشیات سا گریت

دار عمرم وا دعا تو پا گریت

فرش جنم سیت موه باغ بهشت

لیسک افتاویی د شوو سرنوشت

سنگ صبور بی صدا

دامون تو عرش خدا

باغ بهشتی پیش کشت

پیش کش دسا جر کشت

 

دانلود آهنگ با کیفیت128:کلیک کنید

 

آهنگ اسب زین  خواننده:علی عزیزپور

متن آهنگ اسب زین علی عزیزپور

***

جان مه و خررت کل چی نازارم

سرل برنون میژن کم بارم

وژته تیمار که بگرده دورم

به دست بگرم و مال بووه بورم

دته مال بووت د جاته نیه

زلفیلت تاو ده سو عروسیه

اسبل زین بکم بام ما یک

زنیمه بنرمه نتار چمیلت

اسبیل زین بکم اره نوم دووت

مر راضی بکم یه بووت

دنت ساز بپیچی ا نوم آبادی

دنگ کل بپیچی مال بووه شادی

تفنگچی یل بان و چار میخ ناسی

دشمنیل کل مکیمه دوسی

 

دانلود آهنگ با کیفیت128:کلیک کنید

 

مداحی سرباز رشیدم   مداح:رضا موسیوند

متن مداحی سرباز رشیدم رضا موسیوند

***

دیدار تو اکبر افتا و قیامت

سرواز رشیدم روله و سلامت

بارون مصیبت میواره و جونم

ا روله شهیدم سوختی تو سخونم

روله سر و دسم بی جو بدنته

رسوایی کوفه خین کفنته

روله سفرت وا کشتی نجاته

و بدرقه یتو نور صلواته

دیدار تو اکبر افتا و قیامت

سرواز رشیدم روله و سلامت

آیین رسوله شمشیر تو یاور

ا آز دو دسم ا شبه پیمبر

روله همه ی عالم دل خین عزاته

شرمنده ی لویا حشک فراته

تو باور دینی پروانه ی عاشق

تا روز قیامت سرمشق خلایق

دیدار تو اکبر افتا و قیامت

سرواز رشیدم روله و سلامت

زخم بدن تو فواره ی خینه

خین تو نشونه مظلومی دینه

سوز دل دل زینب عرش برینه

و ری دل زارش داغ تو سنگینه

سی آل محمد سرواز دلیری

ا نور دو چشم حیفه تو بمیری

دیدار تو اکبر افتا و قیامت

سرواز رشیدم روله و سلامت

د راه حقیقت جون تو فدا بی

تسلیم رضا و تسلیم خدا بی

دونم که خدا هم وا مهدی قائم

میسونه تقاص د لشگر ظالم

رتی و سلامت یادت بووه روله

که منتظر تو آغوش رسوله

دیار تو اکبر افتا و قیامت

سرواز رشیدم روله و سلامت

 

دانلود مداحی با کیفیت128:کلیک کنید