استان لرستان

آی امشو وارانه نم نم بزم یاران یار یار یار

امشو که شادی دل نووه دارونه یار یار

لیلی آی لیلی لیلی باوانم  آگِر گِرتِمه هیچ نِمَزانم

آی امشو وارانه نم نم نوم نیشونه یار یار یار

دنگ سازی مای ای ای کِلکِله ریزونه یار یار

لیلی آی لیلی لیل شیرینم بووه خِر سَرت دنیا و دینم

بِگَردم بِ سازِ دوس بی تو کس نیرم وای آی آی

دلم زوینه هاوار  هنارس نریم وای آی آی

و زرده خنه آگرت زی نام بیمه خنزار کل عالم آسان

لیلی آی لیلی لیل نازارم فدای بالات بام دارو ندارم

دانلود با کیفیت 128:کلیک کنید

زِمونی که مینمت نازار دِ او دیر میایی……..موئم کاشکی بیا سر زمون بی وفائی

بیا بشی گل بهارم بیا بشی که بیقرارم……رتی و مه منمه نازار چش انتظارت

می ترسم چی مه غمی لووه دچارت………بیا بشی همه چیت قنجه قاتلم او خال زنجه

سلکو و رنگ زردم بیا بکو درمونم………تونی تنیا ستاره د سیک آسمونم

بیا بشی گل رنگینم بیا بشی بی همنشینم…….خدا دونه که چن ساله سی تو پریشونم

خور نماری که عشقت تشی ون د جونم…….رتی و مه منمه نازار چش انتظارت

می ترسم چی مه غمی لووه دچارت…….بیا بشی همه چیت قنجه قاتلم او خال زنجه

 

دانلود با کیفیت 128:کلیک کنید

دلم سی دوس دیری بیقراره…….شو و روزم تمومی انتظاره

کسی احوالمه هرگز نپرسی…..لبم چی گیس دلبر بیشماره

کیان آشنایی کرده پیرم……چی یه کوگی مه د دامت اسیرم

دعا  میکم که تا زیتر بمیرم…..که دونم درد دیری چاره ناره

امید زندگیونیم تونی تو…..گل باغ جونیمه تونی تو

اسای دس پیری مه تونی تو……د عشقت ار بمیرم افتخاره

جفا کردی د مهرت کم نکردم…..دنونم ری جگر بی خی میحردم

بیا سل کو گری وی رنگ زردم……هنام کو د رخسارم دیاره

چشاکم د فراقت پر د خینه…..زنه ی بی تو خدا دونه غمینه

خیال کردی که روز آخرینه…….گره وا کو د کارم ا گلاره

دانلود با کیفیت 128:کلیک کنید

وه  وه وه قاصُدِ وو ره میری قاصُدِ وو ره میری

دورت بگردم سی دیار دوست میری هِروهِ وا رسم دردم

روزگار کم هه بَنی داغ ری دل تنگ

 تاکِ وا سُخته دلو هِروهِ داری سرجنگ

چی بَکَم دَس اجل بُری نهالِم

روزگارم سی بیه هِروهِ شیوِسه شارم

دانلود با کیفیت 128:کلیک کنید

امرو چن روزه که د تو دیرم

بی تو دلتنگم بی تو دلگیرم

دیونم کردی بیچارم نکو

د حونمونم آوارم نکو

بردی قرارم که ها بیایی

چی تونی نارم که ها بیایی

دل پریشون آشفته حالم

مه چی یه مرغ اشکسه بالم

د سینه مرده شوق پروازم

غم میباره د شور و آوازم

وقتی تو نیسی دنیا چه سرده

باغ و بهارم پاییز زده

تو چی نسیم گرم بهاری

وا خوت هوای تازه میاری

امرو چن روزه که د تو دیرم

بی تو دلتنگم بی تو دلگیرم

دیونم کردی بیچارم نکو

د حونمونم آوارم نکو

بردی قرارم که ها بیایی

چی تونی نارم که ها بیایی

لینک های دانلود:

دانلود آهنگ با کیفیت 128

 

جمیله زردی و شونه گری……چی کاسه همسا د حونه پری

طلایا حنا افتاو بهار……مشتی ور افتاو مشتی د نسا

اسپیکو یقه اش برگردو……چی کر جهالی ز و دسگیرو

کرو سر داری مخمل پوشیه……د مین دامونش آهو زاییه

شر ریق و برد زیر آژیه……کل ها دِ پرواز ، تفنگ شیر بیهَ

و ریق برگ برگ بلیه…….ایوار میمونم هشتا پلیه

دولمن مری وعده دارش واش…..وا یار سوز کرده د هم آریاژ

هشتنار هوما بو سوارش…….برفاو گهر، آیینه دارش

بهار مال ونه کور سوز کوفتی……باروناو شوته تژگا کرمی

هفت پوش کور شووش و بارو…….دیار درد دی نها زوآرو

وا حنا میا و پا بناری……ورادی میا بشر بیاری

چرچی بهارو پر خورجینش……کویا لرسو هان د کمینش

پر د بهاره درای چرچی……بری سرداری بری سرونی

گو مال س سوز پر بی دشت……گل گل نازارا اومانه گل گشت

دولمن مری وعده دارش واش……وا یار سوز کرده د هم آریاژ

اوشتِرانکو وا فوج سوارش………برف آو گهر کاری ندارش

بهار مال ونه کور سوز کوفتی……باروناو شوسته تژگا کرمی

هفت پوش کور شووش و بارو……دیار درد دی نها زوآرو

وا حنا میا و پا بناری…….ورادی میا بشر بیاری

دانلود آهنگ با کیفیت128:کلیک کنید