گلونی

آهنگ گلونی   خواننده:فرشاد مرادی و فریماه

متن آهنگ گلونی فرشاد مرادی و فریماه

***

گلونیت هرده وه لا زلفیاته دیمه

دل ده سینه پر گرت سیت لیوه بیمه

گلونیت هرده وه لا می یات دیارن

زلفیا که تا هردت چی گله مارن

کم بیا سیلم بکو ده سر دیوار

گلونی مه بان شه نه چی برگ قی دار

ده غم دیری تونه دل خین می واره

چی اناره اشکسه دونش دیاره

ای دوسه تو عاشقی اهل دردی

بار عشق می کشی وه شونه مردی

دله کت چی شونمه شوسو بهاره

ا زلالی او لانش ده دیر دیاره

گلونیت هرده وه لا زلفیاته دیمه

دل ده سینه پر گرت سیت لیوه بیمه

گلونیت هرده وه لا می یات دیارن

زلفیا که تا هردت چی گله مارن

خوم دونم دلم دونه که بی قراری

عاشقی یه طاقته دیری ناری

مخملی اوری شمی نرمی حریری

مین چله زمسون چی گرمسیری

تو منی ده وزیره بته متل یا

دین شور سازنه دنگ دوهول یا

مه چنی دلم میهاست که بات بگردم

دس خوم نی چی بکم وا حرف مردم

 

دانلود آهنگ با کیفیت128:کلیک کنید

 

آهنگ گلونی    خواننده:طیب امیدی

آلبوم:پاییز

متن آهنگ:

دل میره سیت بسکه نجیب و سرو زیری عزیزم تو سرو زیری…دل میره هکه چی کلی وا ناز ره میری و خدا وا ناز ره میری

چنی رنگینب عزیزم سوزه چش سیا

بو نوبهار د زیر گلیا گلونیت میا…سیقه چشات چش سیا

تو خوت نونی که چشات چنی نازاره….سور سنگی چی افتاو د معنی ناره

شو باغیه پر د رنگ رشمه…زیتر بیا وادما هکه میری چشمه

زیتر بیا وادما هکه میری چشمه

ه تو چارشو گل گلیت میکشی و سر…میر مخمل کو لباس نو کرده د ور

لیوم کردی چش سیا

چنی رنگینی عزیزم سوزه چش سیا

عزیزم سوزه چش سیا

بو نوبهار د زیر گلیا گلونیت میا سیقه چشات چش سیا

دل میره سیت بسکه نجیب و سرو زیری عزیزم تو سرو زیزی…دل میره هکه چی کلی وا ناز ره میری و خدا وا ناز ره میری

چنی رنگینب عزیزم سوزه چش سیا

بو نوبهار د زیر گلیا گلونیت میا…سیقت چشات چش سیا

 

 

دانلود با کیفیت128:کلیک کنید

 

خوت چنی تَلی عزیزم حرف هات شیرینه…نمیای نمیری سایه ات سنگینه

جومه رنگ رنگی عزیزم گلونی گلدار…میزنی طعنه نازارم و گل گلزار

اقتاو میشینه عزیزم و سایه ساوت…خاوش میره نازارم و لاوه لاوت

جومه رنگ رنگی عزیزم گلونی گلدار…میزنی طعنه نازارم و گل گلزار

سِل چشاکت عزیزم سروم شیونه… چی باغ سخته نازارم هیچ دم نمنه

امروز عزیزم چن روز دلشوره دارم…چش وره منه نازارم بییه و کارم

جومه رنگ رنگی عزیزم گلونی گلدار…میزنی طعنه نازارم و گل گلزار

 

دانلود با کیفیت128:کلیک کنید

 

میَترسِم دِ روزِگاری کَس نَوَنَه گُلوَنی

هِه نُومی دِشُو بَمُونَه شیرزَنُونِ سَروَنی

میتَرسِم کِه دیک وُ پَشم وُ ماشتَه یا کِه رَنگ رَنگی

یهِ رُوزی بُوَن فِرامُوش چی کَتُ چی گُلوَنی

میتَرسِم هیچکَه نَپُوشَه سِتِرَه کِه رَنگ وِرَنگ

شَنگ قِطار  وِشال نَوَنَه کُرِ لُر دِ روزِ جنگ

میترسِم بُوئه جُو دَرمُو کُولکَه یاکِه پُر دِ دُو

چِزِنَک رِغُونِ کِینُو سی مُو بُوئه آرِزو

می دُوخْتِن و ِقِی کُلِنجَه دُو پیلاٰ نُقرِه قَدیم

دَرمُونِ دَردِ دِلِم بی ریشهَ کِه دارِ مَلیم

نَه کُلِنجَه نَه مَلیم نَه پیلِ نُقرَه گُوشَه دار

کَس نِمینه مَشکَه هِرٰازْگُو بَکَه وِ قِی مٰالاٰر

میتَرسِم زی بَمیرِم کَس جام نَمونَه

اَری نا کَسی حونِه مونِم بَکَه نِشونَه

دانلود آهنگ با کیفیت 128: کلیک کنید