کربلایی رضا موسیوند

 د بار غمیا اشکستم …د داغ جد اطهرم

د روز اول غم اوما….پرده کشی و ری سرم

اما دلم خوش بی حسین ها د کنارم تکیه زیه بیم و قد بالا برارم

سلام ا گل پرپرم…. سلام ا همه باورم

سلام ا قرار دلم…سلام ا عزیز مادرم

هرو د او شو که دلم اشکس د داغ مادرم….یه عمره دل خین در دیوار مسمار درم

اما دلم خوش بی حسین ها د کنارم تیکه زیه بیم و قد بالا برارم

سلام ا امیرم علی و عشقت اسیرم علی…د داغ سر اشکسه الهی بمیرم علی

گرد یتیمی وم نشس ماه خدا رت د سرم…و ضرب تیغ ا دکینه فرق علی شق القمر

اما دلم خوش بی حسین ها د کنارم تکیه زیه بیم و قد بالا برارم

سلام ا شه بی حرم…سلام ا امیر کرم

امام کریمم حسن…سلام ا مه محترم

وقتی و زهر کینه یا پاره جگر بی مجتبی…بی بیت الاحضان قلب مه د غربت آل عبا

اما دلم خوش بی حسین ها د کنارم تکیه زیه بیم و قد بالا برارم

سلام ا هوادار مه…برار وفادار مه

فدای قد قامتت…برار علمدار مه

دس برار پلوو د لو نهر علقمه د تن جدا بی قامت مولای مظلومم خمه

اما دلم خوش بی حسین ها د کنار تکیه زیه بیم و قد بالا برارم

سلام ا سر بی بدن…سلام ا تن سر جدا

سلام ا عزیز دلم…سلام ا حبیب خدا

مه زینبم که د دلم ریشه زیه دار بلا…لش برارم بی سرم منه د خاک کربلا

ایسه که تنیا منمه هرو و حالم…یا رب د هجرون حسین تا که بنالم

آقام حسین آقام حسین

 

دانلود با کیفیت128:کلیک کنید

 

ا اهل حرم  دس ابوالفضل جدا بی…یه دسه گلی بی که تقدیم خدا بی

قلتونه و خی ماه مدینه …سرلشگر بی مثل قرینه

منه و زمی مشکل پتینش…د راه خدا رختسه خینش

د ماتم سقای حرم ماه دل آرا…خم بی کمر پور علی زاده ی زهرا

هجرون  یل ام بنینه..فریاد فقو داره سکینه

صاب علم دین خدا رت…آروم دل خین خدا رت

بی یاور تشنه مننه خیمه یاسحساس..منه و زمی دس یدالله ی عباس

عالم بیه مدهوش عزادار…د ماتم عباس علمدار

ماتم گریته زینب اطهر…د داغ دو دس کور حیدر

وقته سفر یار وفادار حسینه…ایام عزا د غم سردار حسینه

اشکس کمر حضرت زینب..هیرو د غم غربت زینب

رته  د کفش تاو قرارش..می ناله د هجرون برارش

لش یل دلدار علی نقش زمینه…هیرو علم دین خدا غرق و خینه

سرباز وفادار ولایت…پروانه ی مصباح هدایت

وا فرق دو دس جدا رت…لو تشنه و دیدار خدا رت

عباس علی پاره بدن منه د میدو..غم بار عزاداره دل شاه شهیدو

 

 

دانلود با کیفیت128:کلیک کنید

 

 

ماه شوگارم ا علمدارم….وری سردارم وری سردارم

بیرق عاشقی ها وری شونه تو…جون اهل حرم بسته و جون تو

چل چراغ شام تارم ا امیر باوقارم…وری سردارم وری سردارم

قامت مادرم د غزای تو خم…چش زینب پر بیه د بارون غم

ا امید کارونم ا برار پلوونم….وری سردارم وری سردارم

رتی بار غم نیا و شون مه…بنگ ادرک اخا قاتل جون مه

ا برارم بینظیرم هم برار هم امیرم…وری سردارم وری سردارم

شونیا زینب زیر بار گرو…خمیه یا سوخته وا کینه یکافرو

بعد مرگت بیقرارم یا ابوالفضل ا برارم…وری سردارم وری سردارم

تکیگاه حرم سرو بالای تو….ا فدای تو قد رعنای تو

رتی و دل پر د خینه….هر دو دست ری زمینه

 

 

دانلود با کیفیت128:کلیک کنید

 

داغ هجرون تو میزنه تیرم…یا اباعبدالله بی تو می میرم

دلبر دلدارم ماه شوگارم…بی غم عشق تو تا ابد خارم

دل فقط وا عشقت آبرو داره…مرحبا قلبی که وت گرفتاره

تا ابد عشق تو نور شویامه…اسم زیبای تو ذکر لویامه

ا عزیز زهرا شهریار دل…عشق و آیینت افتخار دل

د غمت یا مولا دل گریونم…نذر عشقت قلبم و جونم

ا سرت و ری نیزه جو فدای تو…اهل عالم بینه و گدای تو

آیت ایمونه راس تو ری نه…قاری قروونه راس تو ری نه

ا همه امیدم یوسف زهرا…اهل دین افتانه تشنه در صحرا

عالمی دل بسته و ظهور تو…عشق مه یا مولا باب نور تو

پاسون دینه خین پاک تو…تا ابد می مونم سینه چاک تو

 

دانلود با کیفیت128:کلیک کنید

 

سرباز د خی شناورم قاسم…ا تازه جوو پرپرم قاسم

ا ماه قشنگ پاره پاره…بعد خزون بی بهاره

یادآور غیرته برار مه…ا روله شهید جو نثار مه

تو پور کریم اهل دینی…دریای شرافت یقینی

فواری خینه پکر پاکت…احیاگر دین جشم صد چاکت

ا آیات عشق آسمونی…سرمشق تموم عاشقونی

د داغ تو عالمی عزاداره…خی د چش اهل خمه میباره

سرباز دلیر لشگر مه…پرپر بیه د براور مه

جون تو فدای آل یاسین…د ماتم تو دل حرم خینه

 

دانلود با کیفیت128:کلیک کنید

 

مداحی علم کت کت  مداح:کربلایی رضا موسیوند

متن مداحی علم کت کت رضا موسیوند

***

علم کت کته خینیت د ری زمی وردار….رقیه داره میمیره وری بیا سردار

وری ا صاحب پرچم چش چراغ دل…وری که ماتم تو تش زیه د باغ دل

سکو که سرو قدم اشکسه دی ماتم…بیه نسیو مه افقن بغض درد غم

وه قلب مه زیه تش جسک غرق خاک تو…کمی دس زیه تیر و جسم پاک تو

کجانه دس تو عباس ا یار بی جونم….فدا سرت نمنه آو سقای اتشونم

تو که اوج صبر و وقایی تو هستی عشقی… عزیز دل تو همه شور مستی عشقی

وری که بی تو غریوم د روز عاشورا…وری پناه بچونم امیر بی همتا

مه هر نفس و سر جسم تو دعا میکم…دلم پره غم درد خدا خدا میکم

بیا د ره گل و بوسون مه امام عشق…سیا بکه روز ظالم وه انتقام عشق

 

دانلود با کیفیت128:کلیک کنید