متن

چش وه ره دل و تما بلکم تو بیایی….غم دیریت کشتمه نازار که میایی

مه که رسوای دلم دل هم رسوای تونه…..مه که شیدای دلم دل هم شیدای تونه

نازار شیرین نازارم شیرینی روزگارم آی د دیریت بیقرارم

هر کسی یارش تو بای دی دنیا غم ناره….غم بشینه وو دلش که غم سیت دوس داره

مه که رسوای دلم دل هم رسوای تونه…..مه که شیدای دلم دل هم شیدای تونه

نازار شیرین نازارم شیرینی روزگارم آی د دیریت بیقرارم

دوس دیرینم سختمه سوختمه مه د داغت….های و کجا نازنین بیام و سراغت

دونم چون باوفای یه روز آخر میای آی میا و سر جگای

طاق نصرت میونم سر رت میشینم…..ار بیای د سفر یار نازنینم

مه که رسوای دلم دل هم رسوای تونه…..مه که شیدای دلم دل هم شیدای تونه

نازار شیرین نازارم شیرینی روزگارم آی د دیریت بیقرارم

دانلود با کیفیت 128:کلیک کنید

آهنگ سفر امید  خواننده:ایرج رحمانپور

آلبوم سفر امید ایرج رحمانپور

متن آهنگ سفر امید ایرج رحمانپور

***

تونه می نویسم،تونه می نویسم،تونه می نویسم

و ری سَنگ و ری چو،مینّ تنگه دسم،تونه می نویسم

دِ چالی ئو بَرزی،دِ کو و بیاوُو،و هرجا بَرسم

تونه می نویسم،تونه می نویسم،تونه می نویسم

دِ رّتِه،دِ منه،دِ بیه ئو نویه،دِ خآو و بیاری تونه می نویسم

اگر پا پیا بام یا دِ زیر پام با،وا زین طلایی،نیله نوسواری تونه می نویسم

و هر جا که سُوزه،و هر جا رنگینه، و ری بازوِ یَل،که سر دل جمُنه

که سایه ش سنگینه،که زور دار رمنه،لارش آهنینه تونه می نویسم

و هر جا که پاکه،و هر جا سفیده،و ری پِشنی اَسبی،که حوگِه سوارش،سفرِ اُمیده

و ری بالِ پرواز،و ری اُوج آواز،و اُچه که دَسی،درینه،میکه واز،تونه می نویسم

لینک های دانلود:

دانلود آهنگ با کیفیت 128

 

 

آهنگ چوپی   خواننده:ایرج رحمانپور

آلبوم آینه اشک ایرج رحمانپور

متن آهنگ چوپی ایرج رحمانپور

***

ریت وا لام کو، ریت وا لام کو، بازنهِ دسمال حَریر

باد دِ بازیگه می پُرسه، نوم نِشون چوپی گیر

سیت بیارم، سیت بیارم، دسمالیا کِه رنگ وِ رنگ

تو وناز چوپی بَوازی، غم درآ د دل تنگ

باد سر خوشه که بئیره، دسشه د بال تو

مرغ میکه، مشقِ پرواز، وا دَس ئو دَسمال تو

توز دِ بازیگه وریسا، چی روزِ رزمِ شکار

چوپی گیر، صیادِ میدو، میکُشه هِزار هِزار

دَس و دَسمالَه تو داری، یا کِه داری سَرِ جَنگ

ضربِ شمشیرت چنونه، میتاونه دِلِ سَنگ

سیت بیارم سیت بیارم، دَسمالیاکه رَنگ و رَنگ

تو وناز چُوپی بَوازی، غم درآ دِ دلِ تنگ

لینک های دانلود:

دانلود آهنگ با کیفیت 128

آهنگ راز تو   خواننده:ایرج رحمانپور

آلبوم اینه اشک ایرج رحمانپور

متن آهنگ راز تو ایرج رحمانپور

***

تو که اُومای آو گُشِس دِه چشه چشمه

خنِسی دار پُر دِه گل پَرپیچ بیه دِه رَنگ و رَشمه

تو کلیلِ زالِنه اُوریانه داری

تو تونی داغ دِه دل زِمی درآری

تو خَوَر داری دِه خآوه بچَه ساویا

تو بلَدی تورِ کوچِ سی پریسکیا

تل حُشکه سَرِه دار نومِته دونه

مَله بی لیز، مینه مُشتت میکه لونه

برگِ گُل رازه تونه، داره دِه دامو

پی زِنو، دینه دِه مالگه، تُورِ پامو

تاوِسو دِه زیر سایَه ت می کنه خآو

می تونی برفِ نسارِ بَکِنی آو

گَرگِر آوِت، تشِ تشنه می نشونه

لاوَه لاَوت، لارِه بیمار می لآونه

گَر گِر آوِت، تشِ تشنه می نشونه

صُو سَحَر دِه شوق تو خُروس موحونه

لاوَه لاَوت، لارِه بیمار می لآونه

ایل وبار وا میل مالگَت ایل می رونه

لینک های دانلود:

دانلود آهنگ با کیفیت 128

آهنگ گل آتش  خواننده:ایرج رحمانپور

آلبوم گل آتش ایرج رحمانپور

متن آهنگ گل آتش ایرج رحمانپور

***

بیا باد پریشو خاطرِ دلتنگ

تو دلتنگ و مه هم دلتنگ

مه اَنوه وارِ ایواریا

دِ لالسونِ شهر سَنگ

هوار ا داد ه بیداد

هَنی بو زلف سوخته دِت میایه باد

هَنی هم دو دسِ روش

بلیزِ خینِ گرمینِ، میکه فریاد

هَنی هم دُو گُلِ اَزگل

دو چش انتظارِ تر

 دُو داغ نَنگ

و پِشنی مُلک ناآباد

هَنی هم دیلرو دلتنگ

هنی هم دیلرو غَمبار

خَوَر به باد، نیایه میرِ نور

که ناره طاقت دیدار

لینک های دانلود:

دانلود آهنگ با کیفیت 128

 

آهنگ نازارم    خواننده:ایرج رحمانپور

آلبوم وانو ایرج رحمانپور

متن آهنگ نازارم ایرج رحمانپور

***

توزه سَرِه رَه گوت ، نازارم؛ ها میری دِ دسم

چنو وَر چنوبی ، عزیزم؛ وِ تو نمیرَسم

گرد و خاک جاده گفتند نازنینم میری از دستم
چنان میری عزیزم که هرگز به تو نمی رسم

خاوِه خوش خیالم ، نازارم ؛ برده دین دنیام

گوتم هیسی و هیسم ، عزیزم ؛ وات موِم دِ دردیام

خواب های خوش و خیالم نازنین برده دین و دنیایم
گفتم که هستی و هستم عزیزم و با تو میگویم از درد هایم

تا چِش بَسِم وا کِردم ، عزیزم ؛ نه تو بیو نه دنیا م تنیا

توزه سره ره یا گوت نازارم ؛ م پاپتی میمونم و ریا

تا چشم بستم و باز کردم نه تو بودی نه دنیا من تنها
گرد و خاک جاده گفتند نازنینم که پا برهنه خواهم ماند در راه ها

شویا بی اساره چشیاته ناره

تَریکی و ظلمات ریا نا دیاره

شب های بی ستاره چشمان تو را ندارد
در تاریکی و ظلمات  راه پیدا نیستند

نه تاو گوتنم هی نه سره اشاره نه دلی که بسوزیه خووَری بیاره

چی زمینی حوشکی که بیه فراموش نه میاره اوری که نمی بواره

نه توان گفتن دارم، نه قادر به اشاره کردنم و نه دلسوزی که خبری برایم بیاورد
مثل زمین خشکی که سال هاس فراموش شده نه ابری برای بارید برایش میاید

داره و آرِم آرِم قسم موحوره ایوار ، و خین گرمه اَفتو دنیا نَمَنه وا کَس

داره آروم آروم غروب قسم میخوره به خون گرم آفتاب که دنیا نمانده با کَس

لینک های دانلود:

دانلود آهنگ با کیفیت 128