متن

ار دوسکم بیایه پاشه مینم سر چش….نینم اگر جمالش عالمی میزنم تش

مه سی تو بیقرارم غمت بیه دچارم…تشی ونی د جونم ه دی میکه سخونم

آی مونس روزگارم تونی چراغ شوو تارم….صفای هر بهارم تونی آهوی مه بزارم

چش وره تونه سقا فره دل ….مالگه و مالگه منزل و منزل

 اگر صد سال هنی دی درد بمونم….یا ار بوی ار بوی وپات میمونم

ه بونه تونه میره ای دل ره دراز دیره….و دام تو اسیره ای دل بیا که دل میمیره

چش وره تونه سقا فره دل ….مالگه و مالگه منزل و منزل

ار دوسکم بیایه پاشه مینم سر چش….نینم اگر جمالش عالمی میزنم تش

 

دانلود با کیفیت128:کلیک کنید

او سو سوارم ها میا او نوبهارم ها میا….برده د دل صبر و قرار صبر و قرارم ها میا

آهوی دل سینه خوشه کرده سپر سی تیر او….سی کشتن آهوی دل کمی شکارم ها میا

هر روز شو سی دیینش مرغ دلم پر میزنه….و هر کجا سر میزنه و هر دری در میزنه

درمون دردم ها میا بار غمه اش ها ری دلم….نوونم حکیم دلم که و دلم سر میزنه

او سو سوارم ها میا او نوبهارم ها میا….برده د دل صبر و قرار صبر و قرارم ها میا

او نوبهارم ه تونی تابوس باغم ه تونی….روشه بکو چش و دلم چش و چراغم ه تونی

تشنه منم ساقی تونی ماهی منم دریا تونی….تش بلیز تژگاتم و سینه داغم ه تونی

دانلود با کیفیت128:کلیک کنید

خوم پریشو خاطرم بیشتر پریشونم نکو….حاصل عمرم فنو بی خار دورونم نکو

چی کمو هر بی ستینم بخت بد بی مونسم….اشکسه بن بن سخونم بازی وا جونم نکو

ترک دنیا کردمه کشکول و شو گوشم نشی….طالق ای ره خومم ا دل پشیمونم نکو

ساعتی و پا بکو ا عزیزم خدا بو هم نشینم…آرزوم ه یه بییه خدا تونه بینم اری تنگمه نل بمیرم

روزگاری بلبلی بیم و گل هرم نسیم…وا خیالت رو ولم کو لو هراسونم نکو

بستمه بار سفر دی ملک دلگیر خراو….بیتره ای رتنم بیهوده میمونم نکو

دانلود با کیفیت128:کلیک کنید

د خاک لرسو ار ناله ی سازی هی….گُنی د محبتی سوزی هی و سازی هی

دنگ بنگ و شادی تاله دلنوازی هی….همدنگی کمونچه وا دلتنگی و راز هی

د بنگ دل عاشق ار یه تیکه نازی هی….ار دنگ علی دوسی آواز نیازی هی

د دنگ لره که ه و عشق چشی داره…خاک لرسو به به چه کو کشی داره

هر جا مینی چشمه وا سایه خشی داره

د بنگ دل عاشق ار یه تیکه نازی هی….ار دنگ علی دوسی آواز نیازی هی

د دنگ لره که ه و عشق چشی داره…خاک لرسو به به چه کو کشی داره

هر جا مینی چشمه وا سایه خشی داره

د خاک لرسو ار ناله ی سازی هی….گُنی د محبتی سوزی هی و سازی هی

دنگ بنگ و شادی تاله دلنوازی هی….همدنگی کمونچه وا دلتنگی و راز هی

خاک لرسو به به چه کو کشی داره….هر جا مینی چشمه وا سایه خشی داره

دانلود با کیفیت128:کلیک کنید

دماوه وا کل شادی سر کشی د چیته جا…..تا بحونم سیت بیارم سی عروس و دوما

شادوما برق د چش شادی دل ها میخنه…..پمون عشق وفا داری و دوسی میونه

سازنه که پیچسه دنگ رنگیش د کَور…..وا دنگ ساز و دهل ولاتینه کرده خور

بازنه دور میزنه وا دنگ بیت چل سرو….ستره وا شال پوشینه چی سواراکه هرو

د هرو تا او هرو تا تنگ مرو مُحونه…..د قطار دیوخونِ زن قرو موحونه

دالکم هم چی همیشه دس برده د آسمو…..ها مووه اِ کَس و بی کَس بد نیار دراسمو

دانلود با کیفیت128:کلیک کنید

عهدکم پیمونکم سرکم سامونکم….درد بی درمونکم ا امید جونکم

که تو میای و خاوم….که تو میای و خاوم

رازم هم رازکم بالکه پروازکم…نازنین ا نازکم نازکم ا نازکم

که تو میای و خاوم…..که تو میای و خاوم

کم هراسونم بکو….زار و حرونم بکو

درد دورونم نکو…غصه د جونم نکو

عهدکم پیمونکم سرکم سامونکم….درد بی درمونکم ا امید جونکم

زارکم نازارکم هم گل هموارکم….سال نو امسالکم پارکم پیرالکم

غنچه نشکفته,دلم باغ پژمرده دلم….جومه غم دوخت,دلم سیکه سوخته دلم

که تو میای و خاوم….که تو میای و خاوم

دانلود با کیفیت128:کلیک کنید