متن نوحه لری

نیزه دارو نیزه بارونش نکید…یه حسین بازی وا جونش نکید

نیزه دارو یه عزیز حیدره…یه کر زهرا گل پیغمبره

یه برار نازنین زینبه….یا طلایه دار روز محشره

نیزه دارو نیزه بارونش نکید…یه حسین بازی وا جونش نکید

نیزه دارو یه ولایت زایسه…غم نسوار لک و لویاش اشکسه

رسم انصاف که بیریت دورشه…یه گل ای همه نیزه اشکسه

نیزه دارو نیزه بارونش نکید…یه حسین بازی وا جونش نکید

نیزه دعارو یه چه میمو داریه…یه چه رسم یه چه روزگاریه

کیه دیه که تشنه ممو بکشی…یه چه ننگ یه چه نیزه داریه

نیزه دارو نیزه بارونش نکید…یه حسین بازی وا جونش نکید

کمو دارو نزنیت وا تیر کین….نونیت راس مبینش و زمی

لرزه نونیت و سکان آسمو…نکنید نشون تیر سلطان دین

 

 

دانلود با کیفیت128:کلیک کنید

 

و مردم و مردم و خدا مه زینبم….زاده ی زهرا دختر حیدرم

و مردم و مردم برارمه سر برینه…او کافرو د جفا دس عباسمم برینه

و مردم و مردم اکبرم غلطو و خینه…او یادگار برارم قاسمم سر برینه

و مردم و مردم و خدا مه زینبم….زاده ی زهرا دختر حیدرم

و مردم و مردم امان د دس حرمله…د ری دس برارم سر اصغر برینه

و مردم و مردم ایسه مه د بی پناهم…بغض کرده دری نیزه ساقی لشگر برارم

و مردم و مردم و خدا مه زینبم….زاده ی زهرا دختر حیدرم

 

استفاده در دیگر سایت ها با ذکر نام منبع مجاز است

 

دانلود با کیفیت128:کلیک کنید

 

 

برار برار زینب نالو میکه…گریوه و حال یتیمو میکه

 علی علی دختر گریون تو…سی کریاکت شیون افقو میکه

جسم حسین نازنین یا علی…حفتیه بی سر و بی کفه ری زمی

سرش و ری نیزه و یاد خدا تلاوت قرون میکه

هم اکبر  هم اصغرش فدا بی…قاسم اول جعفرش فنا بی

افتیه بی دس لش عباس تو…هرو هرو مضهر ایمو میکه

برار برار زینب نالو میکه…گریوه و حال یتیمو میکه

علی بیا س چه جفا میکنن..تش و حریم کبریا میزنن

شعله ی تش د خمیا دی میکه…روله روله لیلای دل خی میکه

برار برار زنب نالو میکه…گریوه و حال یتیمو میکه

سل اهلبیت بی کست اسیره…ایال بی هنارست حقیره

بشو صدای شیون بی کسی…بووه بووه اطفال ویلو میکه

برار برار زنب نالو میکه…گریوه و حال یتیمو میکه

نه مشوقی نه دادرس یا علی…و داد زینبت برس یا علی

چی بکه وا بار غم اسیری…نظارت خیل اسیرو میکه

برار برار زنب نالو میکه…گریوه و حال یتیمو میکه

د جور خسم کوفیو ا خدا…د راه رسم ساروو ا خدا

کنار پکر حسین سکینه…شکایت سیلی ادهو میکه

برار برار زنب نالو میکه…گریوه و حال یتیمو میکه

یه زینب یاد شهیدو میکه…ناله سر نعش جوونو میکه

آه دلش چرخنه ویرو میکه…نوازش جم پریشو میکه

برار برار زنب نالو میکه…گریوه و حال یتیمو میکه

یا رب قسم و ای ایال ویلو…و سوز آه ناله ی یتیمو

سوخته دلم سی زینب حسینت…حسین حسین ذاکر گریو میکه

برار برار زینب نالو میکه…گریوه و حال یتیمو میکه

 

دانلود با کیفیت128:کلیک کنید

 

اکبرم اکبرم یه روز عاشورامه یه کنج واویلامه

روله روله جوونم روله روله جوونم

اکبرم اکبرم یه روزکه سیامه یه کنج واویلامه

روله روله جوونم روله روله جوونم

داغ تو دی میکه تا مغز استخونم

روله آرم جونم

نوم تو یاد تو دلخوشی بچیامه یه کنج واویلامه

روله روله جوونم روله روله جوونم

اکبرک اکبرم یه روز عاشورامه یه کنج واویلامه

روله روله جوونم روله روله جوونم

د فکرم یه بیه تا زمون پیری دس پامه بیری

یه د داغ تونه روزم چی شو تاره یه کنج واویلامه

اکبرک اکبرم یه روز عاشورامه یه کنج واویلامه

روله روله جوونم روله روله جوونم

مردمو جم بوویت رم وا نه غم سره

ی علی اکبر یه سویکا چشامه یه کنج واویلامه

روله روله جوونم روله روله جوونم

اکبرک اکبرم یه روز عاشورامه یه کنج واویلامه

روله روله جوونم روله روله جوونم

دلخوشیم ه تو بی تازه جوونم اکبر آروم جونم اکبر

بعد تو ا روله…یه کنج واویلامه

اکبرک اکبرم یه روز عاشورامه یه کنج واویلامه

روله روله جوونم روله روله جوونم

 

 

دانلود با کیفیت128:کلیک کنید

 

حنا بنیت دس پاش اجل اوما و نهاش…کفه بکید د ورش لیلا نشس و عزاش

 تک سواری ها میا چی علی د خیبره…نعره چی شیر او کوفیو می لرزنه

یه علی اکبر جانشین حیدر…اومایه و کربلا دینشه بکه ادا

شو چراغ خمیا سرو ناز مصطفی…بستن قوم بلا وا ذکر یا حسین محشری بکو و پا

حنا بنیت دس پاش اجل اوما و نهاش…کفه بکید د ورش لیلا نشس و عزاش

ای شمایل رسول خین تو شیر بتول…تن نیه و ظلم زور د مین بارون تیر سین چاک با غرور

آسمو تیره و تار عمه زینب بیقرار…اکبرم رت و سفر بزنیت ساز چمر

 

دانلود با کیفیت:کلیک کنید

 

 د بار غمیا اشکستم …د داغ جد اطهرم

د روز اول غم اوما….پرده کشی و ری سرم

اما دلم خوش بی حسین ها د کنارم تکیه زیه بیم و قد بالا برارم

سلام ا گل پرپرم…. سلام ا همه باورم

سلام ا قرار دلم…سلام ا عزیز مادرم

هرو د او شو که دلم اشکس د داغ مادرم….یه عمره دل خین در دیوار مسمار درم

اما دلم خوش بی حسین ها د کنارم تیکه زیه بیم و قد بالا برارم

سلام ا امیرم علی و عشقت اسیرم علی…د داغ سر اشکسه الهی بمیرم علی

گرد یتیمی وم نشس ماه خدا رت د سرم…و ضرب تیغ ا دکینه فرق علی شق القمر

اما دلم خوش بی حسین ها د کنارم تکیه زیه بیم و قد بالا برارم

سلام ا شه بی حرم…سلام ا امیر کرم

امام کریمم حسن…سلام ا مه محترم

وقتی و زهر کینه یا پاره جگر بی مجتبی…بی بیت الاحضان قلب مه د غربت آل عبا

اما دلم خوش بی حسین ها د کنارم تکیه زیه بیم و قد بالا برارم

سلام ا هوادار مه…برار وفادار مه

فدای قد قامتت…برار علمدار مه

دس برار پلوو د لو نهر علقمه د تن جدا بی قامت مولای مظلومم خمه

اما دلم خوش بی حسین ها د کنار تکیه زیه بیم و قد بالا برارم

سلام ا سر بی بدن…سلام ا تن سر جدا

سلام ا عزیز دلم…سلام ا حبیب خدا

مه زینبم که د دلم ریشه زیه دار بلا…لش برارم بی سرم منه د خاک کربلا

ایسه که تنیا منمه هرو و حالم…یا رب د هجرون حسین تا که بنالم

آقام حسین آقام حسین

 

دانلود با کیفیت128:کلیک کنید