متن آهنگ های کوروش اسدپور

آهنگ روزگارون   خواننده:کوروش اسدپور

آلبوم تیگ نوشت کوروش اسدپوز

متن اهنگ روزگارون کوروش اسدپور

***

سردار اسعدخون ولا نومدار دورن های

یه شوه رونده دشمنه ز تهران

چی شیر میدون ولا سردار اسعدخون وای

نهلشت بمهنه دشمن منه میدون

چارلنگ و هفت لنگ ولا گویل شیرم وای

زنین به شوخی نهلین که بمیرم

ای داغم سی ناله ناله زرده

زنین به شوخی دشمن نگدرده

ای داغم سی جنگ مم تقی خون

و چی گروسه دشمن منه میدون

کر بده دستم دیربین و تفنگه وای

در بده شالم دشمن منه تنگه

کر بزه گاله دشمن نگدرده وای

در بده قطاره دشمن پس برده

ای داغم سی جواد و امولامون

ای داغم سی یدالله عبدالله مون

ای داغم سی خدا خاکرم خان

ای داغم سی جنگ شرگلاخان

ای داغم سی آخی یاد بی عظیمه

جنگ ابوالخان ای وای تش ونده به دیمه

ای داغم سی آخی لهراس و سیاپور

ای داغم سی ای وای گویل وشازور

چی شیر میدون ولا سردار اسعدخون وای

نهلشت بمهنه دشمن منه میدون

چارلنگ و هفت لنگ ولا گویل شیرم وای

زنین به شوخی نهلین که بمیرم

ای داغم سی نه هزار و شیمبار

زنین به شوخی دشمن بکنین تار

ای داغم سی سردار و سوارون

ای داغم سی همه ی او روزگارون

 

دانلود اهنگ با کیفیت128:کلیک کنید

 

آهنگ آواز کاوه   خواننده:کوروش اسدپور

آلبوم تیگ نوشت کوروش اسدپور

متن آهنگ آواز کاوه کوروش اسدپور

***

جور کاوه دی کری از ملک ایما نی وریسته

از میون ایل کر دی چی قدیما نی وریسته

آسمون تنگه غرمنشتی ز اورا نی وریسته

ار چه اورا اوسنن دی سیچه غوغا نی وریسته

کرگل مالن به خو داسون ز درد دل گریوه

دار وانفسای کری سی حرمت دا نی وریسته

لولمی بیدس علی مردونمون نر شیر میدون

دشمنون هر جا قطارن سیچه حالا نی وریستن

تا عروسیمونه دشمن چی عزا کرده به هر جا

دی به تسکین دلامون بانگ کرنا نی وریسته

ای دریغا خاک مرگِنه ری پیایل سیچه رهدن

روزمون وابیده چی شو افتو ز کفتا نی وریسته

زنگل و میرگل منه مال خوسون خوگیر اویدن

که‌ خدایون رهدنه بنگی ز حوشا نی وریسته

شیر جنگیم آ ابول نیدس خبر دی زس نوردن

گرت لیله تک‌ سوارونس ز کها نی وریسته

 

دانلود آهنگ با کیفیت128:کلیک کنید

 

آهنگ برافتو   خواننده:کوروش اسدپور

متن آهنگ برافتو کوروش اسدپور

***

ز او روزی که مالت وی برافتو

ندیدم غیر تو گرمی ز افتو

یه دنیای جداکاری تو سی خوت

تیات آستاره ریت افتو پلت شو

ز او روزی که مالت وی برافتو

ندیدم غیر تو گرمی ز افتو

یه دنیای جداکاری تو سی خوت

تیات آستاره ریت افتو پلت شو

گلم گرمی تونه افتو نداره

تو خوت روزی ولاتت شو نداره

تش تیری که مرزنگای تو دارن

خدا دونه که برنو هم نداره

یه عمری روزگارم جور شو بی جور شو بی

جیگر پر خین ای دل پر کرو بی پر کرو بی

یه عمری بی خووی سیت ایکشیم ایکشیم

ندونم بخت مو تا کی به خو بید کی به خو بید

یه عمری روزگارم جور شو بی جور شو بی

جیگر پر خین ای دل پر کرو بی پر کرو بی

یه عمری بی خووی سیت ایکشیم ایکشیم

ندونم بخت مو تا کی به خو بید کی به خو بید

گلم گرمی تونه افتو نداره

تو خوت روزی ولاتت شو نداره

تش تیری که مرزنگای تو دارن

خدا دونه که برنو هم نداره

گلم گرمی تونه افتو نداره

 

دانلود آهنگ با کیفیت128:کلیک کنید

 

آهنگ آواز ایلیاتی  خواننده:کوروش اسدپور

آلبوم تیگ نوشت کوروش اسدپور

متن آهنگ آواز ایلیاتی کوروش اسدپور

***

ای وای وای وای

په چه وابید حرمت او کلگ و دو

ایلیاتی په بگو برنوته کو

ای وای کو کر شاهنامه خون و کومتیل

شو کلی نی تپتخاری نی و ایل

آخی داد

ای وای داد داد ای داد

غیرت ایلی ول اووی مرد و مرد

کاش دل سردارشون جون ایسپرد

مانه خو رهته یکی بیدار نی من پریدونل به جز کفتار نی

آی خسته اوی دل و دست روزگار

دور خوش ورپیت اسب بی سوار

خین بو کرده وا فصل بهار یاد پار و پار و یاد پار

آخی آخی آخی

لک زده دل سی ترنگه ایل پار

سی شهاز و پازن و اسب سوار

سی کره سر دو سی شیر نکار

سی تش و چاله زیر سایه کنار

ای داد ای داد ای داد

 

دانلود آهنگ با کیفیت128:کلیک کنید

 

 

دانلود آهنگ با کیفیت128:کلیک کنید