سيف الدين آشتيانی

کمی چش که بینه که و گوش دل نیارت…کم دله طاقت بیاره که و خاطر نسپارت

قشنگی هرچی که داشته د چشیات جا نیایه…رنگینی تونه مینه کمیاش یادش میایه

تو چنو پاکی که پاکی پاشه مینه و جا پایات…شراو کنیه چنین سال مسیاش میکه د حرفات

لیه خنت تاوی تاوی افتاو دما بارونه…نارو گونات راز گنج بومی انارسونه

تو چنو خویی که خویی سر و درگات میسپاره…چشمه سی روشنای آوش د زلالت می گواره

تُل اروت تنگ اخمه وا کمونا انتظارش…..مگر آرشی بیایه واکنه گره د کارش

دانلود با کیفیت128:کلیک کنید

که میره دو خاطرم روز جگایی….زی تموم بی عمر دوره آشنایی

اشکنایه دوسم که پیمون یاری…داد و بیدادم ه د دس بی وفایی

مرغ دل دارم مه سیش بیقرارم…ای قفس لره مه زیتر درآرم

مووه بیری ا فلک درد بی درمو….سخت و دس آوردمش بردیش آسو

شوم زیه دشت دل شمه دیگنا….باوه جفتت بمیره حونت خراو با

پاشنی و هر کَر تو توم جدایی…ساختن خشتتِ خاک بی وفایی

ا فلک حونت خراو حونم رمنی….پر پیش لونکم دِیَک شیونی

آو لفای غم و ما کل بیه ای زم….آو د لیز نوی فلک آو بی د لیزم

دانلود با کیفیت128:کلیک کنید

ار دوسکم بیایه پاشه مینم سر چش….نینم اگر جمالش عالمی میزنم تش

مه سی تو بیقرارم غمت بیه دچارم…تشی ونی د جونم ه دی میکه سخونم

آی مونس روزگارم تونی چراغ شوو تارم….صفای هر بهارم تونی آهوی مه بزارم

چش وره تونه سقا فره دل ….مالگه و مالگه منزل و منزل

 اگر صد سال هنی دی درد بمونم….یا ار بوی ار بوی وپات میمونم

ه بونه تونه میره ای دل ره دراز دیره….و دام تو اسیره ای دل بیا که دل میمیره

چش وره تونه سقا فره دل ….مالگه و مالگه منزل و منزل

ار دوسکم بیایه پاشه مینم سر چش….نینم اگر جمالش عالمی میزنم تش

 

دانلود با کیفیت128:کلیک کنید

او سو سوارم ها میا او نوبهارم ها میا….برده د دل صبر و قرار صبر و قرارم ها میا

آهوی دل سینه خوشه کرده سپر سی تیر او….سی کشتن آهوی دل کمی شکارم ها میا

هر روز شو سی دیینش مرغ دلم پر میزنه….و هر کجا سر میزنه و هر دری در میزنه

درمون دردم ها میا بار غمه اش ها ری دلم….نوونم حکیم دلم که و دلم سر میزنه

او سو سوارم ها میا او نوبهارم ها میا….برده د دل صبر و قرار صبر و قرارم ها میا

او نوبهارم ه تونی تابوس باغم ه تونی….روشه بکو چش و دلم چش و چراغم ه تونی

تشنه منم ساقی تونی ماهی منم دریا تونی….تش بلیز تژگاتم و سینه داغم ه تونی

دانلود با کیفیت128:کلیک کنید

خوم پریشو خاطرم بیشتر پریشونم نکو….حاصل عمرم فنو بی خار دورونم نکو

چی کمو هر بی ستینم بخت بد بی مونسم….اشکسه بن بن سخونم بازی وا جونم نکو

ترک دنیا کردمه کشکول و شو گوشم نشی….طالق ای ره خومم ا دل پشیمونم نکو

ساعتی و پا بکو ا عزیزم خدا بو هم نشینم…آرزوم ه یه بییه خدا تونه بینم اری تنگمه نل بمیرم

روزگاری بلبلی بیم و گل هرم نسیم…وا خیالت رو ولم کو لو هراسونم نکو

بستمه بار سفر دی ملک دلگیر خراو….بیتره ای رتنم بیهوده میمونم نکو

دانلود با کیفیت128:کلیک کنید

یواش پا بنی خاک پاته دلم…همش گوش و در سی هناته دلم

یواش پا بنی نازک نشکیه…هوادارته آشناته دلم

بکش تش بزه خاکش بِوِ آو…اسیر وفاته دلم اسیر وفاته دلم

تو اسپی پر بال پروازمی…کجا ها روی پا و پاته دلم

دعا میکم میگریوم هنی…رفیق قدیم دعات دلم

دانلود با کیفیت128:کلیک کنید