سایت لرمدیا

آهنگ کر لر    خواننده:بهمن اسکینی

شاعر:رمضان پرورده

متن آهنگ:

چپ و راس بون قطارکت و سینه…قد بالاکت چی اسبیکو رنگینه

چش د دشمه مه ورنیار که دو کمینه…نل خاک تنیای و تفنگ بشینه

سی دشمه دس و تفنگه کر لر…چی پلنگ آماده جنگه کر لر

سربنی وه اوبنار چی شیر زردی…چی پلنگ کمین بکو و بن بردی

د برف د بارون و د اور طیمو…ای تفنگ یار مونه هر جا که ریمو

سی دشمه دس و تفنگه کر لر…چی پلنگ آماده جنگه کر لر

بو تفنگ کل بزه تا دشمه بسوزه کر لر…دی دیار کل بکنه شو بگریزه کر لر

برنوکت بو و شو رت ناهماره…سر رت کوه کمر شیش مغاره کر لر

سی دشمه دس و تفنگه کر لر…چی پلنگ آماده جنگه کر لر

نال نال برنوکت چنی شیرینه کر لر….ه که تیرش وه سینه دشمه میشینه کر لر

ننگه که دشمه روئه وا جون سالم کر لر…تش بزه د ریشه ی دشمن ظالم کر لر

سی دشمه دس و تفنگه کر لر….چی پلنگ آماده جنگه کر لر

 

 

دانلود با کیفیت128:کلیک کنید

 

 

 

آهنگ گل و بلبل   خواننده:فیروز رضایی

متن آهنگ:

همه شادیم غمی ناریم..تا شفق سازنه داریم

دل جو سی یک مینیمو…سر د کار یکتری نمیاریم

در همسا پیر برا…حونه یکی تعارفی نریم

دس و ک تری نمی رسیم..چش نامحرمی ناریم

زنه ای دیه بیتر نی…چی میهایم د چی کم داریم

نوبهاریا سال نویا…کوشکه همسا نونواره

شو وا گیه سیر محفتم…که د گسنه ی بیارم

آه سرم رنگ زردم…تو خور داری د دردم

چی بووم دی دلم ا دوس..هر چی بیم د مینه حردم

 

دانلود با کیفیت128:کلیک کنید

 

 

آهنگ گرین    خواننده:فیروز رضایی

متن آهنگ:

تو چی قلعه ی می مونی که فتح نمویی..د ای همه لشگر کشی شکت نمویی

گرینی یا الونی یا بی ستینی دی یار…بی در دروازه چی دیوار چینی

چی کل پلنگی های د مغاری…بر نمیکه و دس تو سوسواری

گرینی یا الونی یا بی ستینی دی یار…بی در دروازه چی دیوار چینی

قیز تو لفاوتره د هر لف آوی…دنیا د طلسمته وقتی د خواوی

گرینی یا الونی یا بی ستینی دی یار…بی در دروازه چی دیوار چینی

یه چشه داری یا قلعه رسدنونه….دوران چش وا میکی غارت ورونه

گرینی یا الونی یا بی ستینی دی یار…بی در دروازه چی دیوار چینی

 

دانلود با کیفیت128:کلیک کنید

 

آهنگ گل مجلس   خواننده:بردیا مهرآرا

متن آهنگ:

خوش اومای و مالگم تو ا تنیا ستاره ام….امیدم عزیزم تونی عمر دوارم

بگردی و شادی د دنیا وی قشنگی..د دنیا تا که هیست و ای خوش آو رنگی

بیا شمعیانه پف کو عزیزم حونمونم…تا صد سال زنه بای مه هم وا تو بمونم

در حونه عمرت وری غصه بونی…تا وقت هیست و خوشحالی بخنی

و هرجا که میری و دورت کر داوات…بگرده زمونه شو روزش و دل هات

وری کیکنه لت کو شیرینی به و مردم…تو بو و گل مجلس تا خوم دورت بگردم

 

دانلود با کیفیت128:کلیک کنید

 

آهنگ آرزو   خواننده:بهمن اسکینی

آلبوم:آرزو

متن آهنگ:

یه گلی دارم رنگ اناوه..مونس منه حونه خراوه

ریختمه و پاش خین دلمه…چنین برگاش رنگ اناوه

ترسم یه شووی بیره خواوم..گل چینی بکه حونه خراوم

خدای بالا سر ار دوسم داری…بکو نصیوش باد بهاری

شو نووه دارم روز باغونم…مه دوسش دارم بیشتر د جونم

ترسم یه شووی بیره خواوم..گل چینی بکه حونه خراوم

سزای دل مه رنج بی گنجه…مه هم چی بلبل نصیوم رنجه

مه و گل دمه رنگ شراوش…سی گل چینی بیره گلاوش

ترسم یه شووی بیره خواوم..گل چینی بکه حونه خراوم

 

دانلود با کیفیت128:کلیک کنید

 

آهنگ کشکو   خواننده:بردیا مهرآرا

آلبوم:تژگا

دو تنیا داریم لو کشکو…مه هام د ای کو تو های د او کو

براور یک دل ویک بستیم…د تولمونه ویک نرسیم

مینه مین و تو کشکو چی میکه…که دسمو ویک بر نمیکه

دلگیر کشکو پاوون خاکیم…ریمو د ری یک سی یک حلاکیم

هر دو منیمه دی کار کردار….دو جا اسیر دو جو گرفتار

عشق منو تو هر دو و میله..و یک میرسیم ار کشکو بیله

کشکو امو بی تا بگوارم…یه دوس دیری و لا تو دارم

کشکو اَمو به وا ای لف آوت..نفرینت میکم حشک بووه آووت

دخیلتم بو پات باووسم..چی دیمی تشنه دیدار دوسم

 

دانلود با کیفیت128:کلیک کنید