دانلود آهنگ

شاعر:رمضان پرورده

متن آهنگ:

عزیزم رسم دنیا ه چنینه…..یروز شاد شاد یروز غمینه

همیشه زنه ی داره غم و تنگ…..سی چی پ سر بنی و زونی غم

یروزی چی کویر بی برگ و باری……یروزی باغ سُز نوبهاری

یرو چی برف سرد زمسونی….یروز برگ رنگ زرد خزونی

یروز شادی یروز غم دباری….یروز دول منی یروز رجالی

ی شوی آسمون پر ستاره….ی شو هم نمی زنگ کار باره

بیا دنیا دو روزه کم بهور غم…بیا شادی بکیم هر دو وا هم

و رسم گل و ری دنیا بخنیم….در د ری غم و غصه بونیم

دانلود با کیفیت 128:کلیک کنید

هرگونه کپی و انتشار این آهنگ در دیگر سایت ها بدون ذکر نام منبع اشکال دارد

سر رئو گرتی بارم اوالی….و سرمه مچو ساتی و سالی

چنی چمری چنی دل وه هول…چنی بکشم بار خم و کول

هه داد و هه بیداد کار چیه ژ دس… مینا شکسه نمیو پیوس

دیریت بردسی طاقت و تاوم…..چی پیشی و ری گیژی گرداوم

دانلود با کیفیت 128:کلیک کنید

وختي دلم بو خَمَه مِه…….يارم هم اِ خَم دَمَ مه،

يَه خَم ، يَه يار، يَه كُل خوشي……….دِ اِ خدا مِه چَمَه مِه

خم اَر دلم ها اِ كمين……..ئي گيونَ اِ دسِم بِسين

آهوئِه چيمِت نازِنين…….شيرِ دِلِ مِه رَمَ مِه

اسفنديار بي چيمِم……كمتِر خوآ بِكَر زيِمم

گِه هر دو چيمِم اِ رفيق…….كِز تيرَكِ روسَمَ مِه

يه گِل فلك سازي گِه گِل و دل مه باو نِمِه
سازي مِدومي ناكوكه، ياژيرَ مه، يا بَمَ مه

مَري خَمِت ئي مِشت سُخونمَ تا قيامت وِل نِمِه
دلي كه وَ بَردِ خمت اِشگونِتَه ها جَمَه مِه

دانلود با کیفیت 128:کلیک کنید

و اولاف دیدم یه نیمه شوی…..اوما و خاوم یه خال لووه

چشم افتا و برق جمالش……گرفتارم کرد او چشا کالش

میما و چشم چی زل روز….چی با تش حنمون سوزی

پریسکه عشقش افتا و جونم….خوم بی خور بیم آو بی سخونم

سلامش  کردم نده جواوم….وا چش سلم کرد حونه خراوم

گوتم ا دوسه خطا مه چی بی..ندی جوواوم جا مالگم سی بی

دانلود با کیفیت 128:کلیک کنید

متن آهنگ:

هم ولاتی واتونم ا لر عاشق…..تک سوار عاشق دشت شقایق

بال چش واکو بیین دنیا چطوره…….کس د دنیا گنجِن بی رنج نموره

پیچو تاو ماه نو د آو چشمه………رقص گل وقتی درا و رنگ رشمه

شوق هر کموتری و عشق پرواز……شاق شاق کوگ نر و عشق آواز

ها موون که زنه ی کار و تلاشه……هر کجا عشقی بووه رنج نهاشه

دانلود با کیفیت 128:کلیک کنید

مجالی که منه ا گل بیا بس دل آزاری…….چی مووه ار و بالینم بیای سی پرستاری

هزاری ار بوی ناری خور د حال و روز مه

مه خوم ا مونس نازم خور دارم خور دارم

و حال بلبلم نسپار بحونه شعر آزادی…….منو سیک قفس وا کوله باری د گرفتاری

اجل ار بیا سراغم مه د دنیا ایقه بیزارم

میونم کوله باری میرم واش وا منت باری

رها مووم پر میرم میرم تا سرسراو دیری…….میشورم د پرو بالم و زوقی د بیماری

دانلود با کیفیت 128:کلیک کنید