دانلود آهنگ های مسعود بختیاری

آهنگ برزگری    خواننده:مسعود بختیاری

آلبوم برافتو مسعود بختیاری

متن آهنگ برزگری مسعود بختیاری

***

آخی کن کن مالا

ای داد ای دلم ره واباسون

آخی بیو بریم زار بزنیم ای

ای داد ای جاوارگه هاسون

کن کن مالا

ای داد ای دلم ره به دینسون

آخی بیو بریم زار بزنیم ای

ای داد ای جاوارگ دوش پسینسون

ای شمالِ باد ای

ای داد ای بیو برس به حالم

آخی افتو مُل به کمر ای

ای داد ای سُهد پرک و بالم

ای شمالِ باد ای

ای داد ای بیو برس به دادم

آخی خَوَری سی مو بیار ای

ای داد ای تا بکنی شادم

ولا یکینه ایخواستم

ای داد ای بی دادِ بخونه

آخی بکنه خار ز دلم ای

ای داد ای گل بجاس بنشونه

کی خلاص ایبوم

ای داد ای ز ای ماتِ گندم

آخی وارستن برزی یرون

ای داد ای مو په سیچه مندم

میر مات بنگ ایزنه ای

ای داد ای غله مند سر پا

آخی داسِتِ تند تند بکش ای

ای داد ای نمهنی به گرما

برزی یر! نو برزی یر

ای داد ای چپت نتنیده

آخی داسِتِ تند تند بکش ای

ای داد ای غله مند نچیده

 

دانلود آهنگ با کیفیت128:کلیک کنید

 

آهنگ بهار     خواننده:مسعود بختیاری

آلبوم برافتو مسعود بختیاری

متن آهنگ بهار مسعود بختیاری

***

به بهارم چی گلا سهر بهارونه بیو

تو چی کوگون بهاری به هوا لونه بیو

زنده مو وا بیدنتم تی به ره دیدنتم

تو وا با عید و بهار بیو و شادی بیار

جا نیگرم ایچو که نیدی با تو چه قراری داروم

دست تو ار منه دست مو بو با تو چه بهاری داروم

منه تاریکی روزام تو چی افتو بدرو

دی نهنگه که بیای ار نبره بختمه خو

تو وا با عید و بهار بیو و شادی بیار

جا نیگرم ایچو که نیدی با تو چه قراری داروم

دست تو ار منه دست مو بو با تو چه بهاری داروم

همه مندیر بهارون و مو مندیر تونم

نترم بی تو یه دم زندئینه سر بکنم

ار که به مو سر نزنی تش به سر و پام اونی

تو وا با عید و بهار بیو و شادی بیار

جا نیگرم ایچو که نیدی با تو چه قراری داروم

دست تو ار منه دست مو بو با تو چه بهاری داروم

 

دانلود آهنگ با کیفیت128:کلیک کنید

 

آهنگ برافتو    خواننده:مسعود بختیاری

آلبوم برافتو مسعود بختیاری

متن آهنگ برافتو مسعود بختیاری

***

ببین حالا دس به یک دادن

جون سی یک دادن چندی آسونه

ببین حالا وقتی با یک بویم

روندن دشمن چندی آسونه

دیه شو تاریک سی دیدن صو

تی به ره منشین ای برت خو

حالا ای تری دی نگو نترم

خوت وری بدرو گو چی افتو

بیو که وابایک یه عهدی بوندیم

حالا که مو و تو چی خین یکیم

نوا بنشینی مو که ای وریستم

حالا که مو و تو ستین یکیم

تو چی افتو خوت وری بدرو

چی چشمه وا بوی نه چی گور او

 

دانلود آهنگ با کیفیت128:کلیک کنید

 

آهنگ هالو زال   خواننده:مسعود بختیاری

متن آهنگ هالو زال مسعود بختیاری

***

هالو زال خو ایگوهه

بس بگرین گوش

ای مردم اسبونتونه زین کنین

خوتون یراق پوش

هالو زال خو ایگهه مگوین و مخندین

اسبونتونه زین کنین

قطار بوندین

سواری ز دیر ایا اوردیس به دیندا

دروازنه بگشین

بگوینس بفرما

سواری ز دیر ایا اردی به دینس

لامردون فرش کنین

سی بنشینس

لامردون فرش کنین

ز گل خاشخاش

مگویین نومدار لره

بگوینس قزل باش

 

دانلود آهنگ با کیفیت128:کلیک کنید

 

آهنگ مینا بنوش   خواننده:مسعود بختیاری

متن آهنگ مینا بنوش مسعود بختیاری

***

های چه خوبه مال بار کنه یارت وابات بو

کمیتچال زین مخملی به زیر پات بو

چه خووه مال بار ونه به دشت شیمبار

دست گل من دستم بو چی پار و پریار

های عزیزم مینا بنوش دستمال هفت رنگ

چی تیات پیدا ندا به ایل چار لنگ

ویدم بی که بینمت دیدم نبیدت

خاطرم جا نگره کندم ز دینت

مو اویدم کد ره ری کردم وا پشت

غم خوم کم سیم نبی سهدیت مونه کشت

های عزیزم مینا بنوش دستمال هفت رنگ

چی تیات پیدا ندا به ایل چار لنگ

عاشقم دیوونه یم بیوین بکشینم

بوندینم کد گل هیچ مگشینم

 

دانلود آهنگ با کیفیت128:کلیک کنید

 

آهنگ گل ناز   خواننده:مسعود بختیاری

آلبوم برافتو مسعود بختیاری

متن آهنگ گل ناز مسعود بختیاری

***

گل ناز دارم مه شوگارم

بيو بيو كه دلم سيت تنگه

ندونم تا كی دلت چی سنگه

بهار اوی وا گل گندم

مو تهنا وا درد تو مندم

ولم كردی وا دل پر دردم

دلم خينه دی ز حرفا مردم

گدی بی كه وا بهار ايام سيچه په نيایی

حالا ديه باور ايكنم كه تو بی بفايی

ز ويرت رهدم مكن وام چينو گل ناز دارم

بيو كه بی تو ديه مه رهده ز ای شوگارم

گل ناز دارم مه شوگارم

بيو بيو كه دلم سيت تنگه

ندونم تا كی دلت چی سنگه

بهار اوی وا گل گندم

مو تهنا وا درد تو مندم

ولم كردی وا دل پر دردم

دلم خينه دی ز حرفا مردم

گدی بی كه وا بهار ايام سيچه په نيایی

حالا ديه باور ايكنم كه تو بی بفايی

ز ويرت رهدم مكن وام چينو گل ناز دارم

بيو كه بی تو ديه مه رهده ز ای شوگارم

دانلود آهنگ با کیفیت128:کلیک کنید