حشمت رجب زاده

منو ناز خیالت دل شوق وصالت…شو روز ناریم ا دوس د دس چش کالت

دلم سیت  تنگ تنگ وا تو دنیا قشنگه..مگر نوونی عزیزم که کارم بی تو لنگه

بیا ا ماه نازم بیا ا دنگ سازم….که وا شوق بوازم امید چاره سازم

دلم سیت  تنگ تنگ وا تو دنیا قشنگه..مگر نوونی عزیزم که کارم بی تو لنگه

خور ناری د حالم که سیت یسر خیالم..اگر باور نمیکی بیا زی وا دیارم

میشینم تا بیای روه وا سر جگایی..چی مووه دوس دیری شوی دی در درایی

بی تو بی آشیونم تونی نوم نشونم…بخن تا غم بسوزه تش غم نو د جونم

منو ناز خیالت دل شوق وصالت…شو روز ناریم ا دوس د دس چش کالت

دلم سیت  تنگ تنگ وا تو دنیا قشنگه..مگر نوونی عزیزم که کارم بی تو لنگه

 

دانلود با کیفیت128:کلیک کنید

 

یه شو میونم بارم میرم و غریوی….دَ مننمه ناره صقایی که بمونم

وا غروت و تنیایی دلتنگی و دیری…نارم و خدا برگ و نوای که بمونم

د ملکی که اومامه و دی ه چی غریوم…دونم که نمنه سیمه جای که بمونم

رته د سرم عقل و د جو تاوی نمنه….نارم دل لیوه صلای که بمونم

زخمه همه سرتاسر دشت دل چولم..ناره د یجا تیر بلای که بمونم

د ملکی که اومامه و دی ه چی غریوم…دونم که نمنه سیمه جای که بمونم

یه شو میونم بارم میرم و غریوی….دَ مننمه ناره صقایی که بمونم

وا غروت و تنیایی دلتنگی و دیری…نارم و خدا برگ و نوای که بمونم

 

دانلود با کیفیت128:کلیک کنید

 

ساز بارو میزنه ساز بارو میزنه کِلکِ بهاره…شور تلمیت عروس س گل دیاره ه چی آساره

نشسه دل و امیدت که بیایی که ها بیایی…پر د شوق انتظار و بیقراره دل بیقراره

چش آهو مس ناز بزم دشته….چش وا کو موسم بزم شکاره

سینه د کینه بشوریم عزیزو…بخنیم وایکِ دل غم دباره

تش بی دیگ بونیم د خرمن غم…گل شادی بکاریمک دواره ا دوس دواره

ا پکر ا پکر ساقی اگر ناسازگاره…چی بکیم که یه رسم روزگاره

ساز بارو میزنه ساز بارو میزنه کِلکِ بهاره…شور تلمیت عروس س گل دیاره ه چی آساره

 

دانلود با کیفیت128:کلیک کنید

 

آهنگ شور عشق    خواننده:حشمت رجب زاده

متن آهنگ شور عشق حشمت رجب زاده

***

زینته شول بستنه یا که رکاوت…یا که دیشو تا سحر نو رده خوات

شور عشق ها د سرت یا بی وفایی و بیابون دلکم نمیایی.

نه هنام وت میرسه دی روز تنگم ….نه و گوشت میرسه پوقعه تفنگم

لرسو ز وبار و گرمسیری….تو کجا و مه کجا افتای و دیری

ار میای و روز بیا نه و شو تار …..تا که خو سیلت بکم وا چشه نم دار

تو د کم ایلی که دل موری و نازی….خوش و حالش وات بکه راز و نیازی

تو د کم خاکی که عالم خاک پات….آسمون بی ستین جا چیته جاته

خوش و حال باغون ،باغ عشقت….که چی مه ناره خور د داغ  عشقت

و وحال ای دله حسرت نصیبم….د مین ه شهر خومم بی تو غریوم

لف غم یگل اوما برد چیته جام ….مردمو بیلیت روم نیرد نهامه

 

دانلود آهنگ با کیفیت128:کلیک کنید

 

چش نلرو ا دوس جون من سل تو..که منه بی دلمه هام وا تما میل تو

سل تو نووه اگر شار همه شیوسه….میل تو نووه اگر دنیا د یک تیچسه

راز و پریشونی آو تش جون کوه..ناز زمین و زمو ها د گرو عشق تو

ای همه راز و نیاز گوشه د عشق منه….وا دل و جو ایون چله نشین تونه

 

دانلود با کیفیت128:کلیک کنید

 

نازارم هه نازارم چش سیا نمک دارم,سل کو وی روزگارم

اور غمت یه عالمه…چشام پر اسر غمه

خواو خیالم ه تونی…دل بی کَسُ بی همدمه

تا که بنالم آی وی روزگارم

آی عشق تو عشق تو بی کرده چنی اسیر دردم

وا ای دل پر آرزو کجا رووم کجا بگردم

 

دانلود با کیفیت128:کلیک کنید