مجید عزیزی خاو و بیار

آهنگ خاو و بیار   خواننده:مجید عزیزی

متن آهنگ خاو و بیار مجید عزیزی

***

خاو و بیاری عالم دیری دیم نشسه بی رته ده ویری

رته ده ویری پکر پریشو ده خوش دلگیری بی نام و نشو

سینه فراخش عالم برزی قامتش بلن ولات بی مرزی

طرز کردارش عالم پیری رنگ رخسارس آفتاو پر نیری

گتم ا پیره روشنا عالم تاو ده کی دلگیری هه میزنی باو

دیم که سنگین سرد دنگش درا ورد وا کزه دری موش براورد

گوش وه حرفش دام خوم میلاونا دنگش طوری بی سنگ می تاونا

میگت ا بنه رفیق شویام روشنایی روزم قشنگی دنیام

سی او جونی کج کلاو برزت سنگینی سما رنگینی طرزت

می گت سی عمر رته وه هرزت من که خداعم بوم وه نذرت

گوتم تو خدا هفت آسمونی شاهد محشر آخر زمونی

دونی ده قسمت خیلی دلگیرم فک نکو کاریات رته ده ویرم

سی چی وا قسمت کردی اسیرم اول جونی کردیه پیرم

هنی وا کزت دنگش وریسا روله شیرینم تو گری بسا

ایم شو نه محشر نه روز حساوه خلوت من و تو ده مین خاوه

گوت که چن ساله خور دت نارم سی غم و غست ده جو بیزارم

خیال نقشت ها ده محالم ده مه دلگیری دردت وه حالم

دونم تک گل بهارت رته خنه ده ویر خیالت رته

دسم گریت و گوت چنی سرده لاشت کل زیخاو سینت پر درده

تا که میا دم دلگیر بمونی وا خیال وصل مجنون بمونی

دیم که خدا هم سیم می گریوه بغضم ترکس بیم ده گریوه

مر خدا نیسی دنیا وه کومت زمین و زمو کل ها وه نومت

ار راضی بویی ار دلت بها هر کاری بون ده دست میا

حاجتم روا لیلم هنا کو ده طاقت نارم دردم دوا کو

دیم که لیل اوما وه براورم وا ناز و ادا نشس ده ورم

تماشا ساوه شیرینش کردم هنی چی قدیم هوش ده سر بردم

ده جونم سیرم مالا وال دردم خدایا ده ای خاو ور نگردم

 

دانلود آهنگ با کیفیت128:کلیک کنید