لرستان

زنئی بی چش تو چی قورسونه دالکه……ای خدا هرگز تونه د مه نسونه دالکه

سایه ات د سرم کم نووه……غصه وا تو هوم دم نووه

دل نازکت دالکه…..خدا نکه پر غم بووه

ار همه دنیا سیم بکن قواله دالکه…..قیمت یه گوشه د چش تو ناره دالکه

سایه ات د سرم کم نووه……غصه وا تو هوم دم نووه

دل نازکت دالکه…..خدا نکه پر غم بووه

میگشتی دور مه چی دار مرادی دالکه…دواره موجم ده ی وا کل شادی دالکه

سایه ات د سرم کم نووه……غصه وا تو هوم دم نووه

دل نازکت دالکه…..خدا نکه پر غم بووه

دانلود با کیفیت128:کلیک کنید

 

دلم سی دوس دیری بیقراره…….شو و روزم تمومی انتظاره

کسی احوالمه هرگز نپرسی…..لبم چی گیس دلبر بیشماره

کیان آشنایی کرده پیرم……چی یه کوگی مه د دامت اسیرم

دعا  میکم که تا زیتر بمیرم…..که دونم درد دیری چاره ناره

امید زندگیونیم تونی تو…..گل باغ جونیمه تونی تو

اسای دس پیری مه تونی تو……د عشقت ار بمیرم افتخاره

جفا کردی د مهرت کم نکردم…..دنونم ری جگر بی خی میحردم

بیا سل کو گری وی رنگ زردم……هنام کو د رخسارم دیاره

چشاکم د فراقت پر د خینه…..زنه ی بی تو خدا دونه غمینه

خیال کردی که روز آخرینه…….گره وا کو د کارم ا گلاره

دانلود با کیفیت 128:کلیک کنید

وه  وه وه قاصُدِ وو ره میری قاصُدِ وو ره میری

دورت بگردم سی دیار دوست میری هِروهِ وا رسم دردم

روزگار کم هه بَنی داغ ری دل تنگ

 تاکِ وا سُخته دلو هِروهِ داری سرجنگ

چی بَکَم دَس اجل بُری نهالِم

روزگارم سی بیه هِروهِ شیوِسه شارم

دانلود با کیفیت 128:کلیک کنید

جمیله زردی و شونه گری……چی کاسه همسا د حونه پری

طلایا حنا افتاو بهار……مشتی ور افتاو مشتی د نسا

اسپیکو یقه اش برگردو……چی کر جهالی ز و دسگیرو

کرو سر داری مخمل پوشیه……د مین دامونش آهو زاییه

شر ریق و برد زیر آژیه……کل ها دِ پرواز ، تفنگ شیر بیهَ

و ریق برگ برگ بلیه…….ایوار میمونم هشتا پلیه

دولمن مری وعده دارش واش…..وا یار سوز کرده د هم آریاژ

هشتنار هوما بو سوارش…….برفاو گهر، آیینه دارش

بهار مال ونه کور سوز کوفتی……باروناو شوته تژگا کرمی

هفت پوش کور شووش و بارو…….دیار درد دی نها زوآرو

وا حنا میا و پا بناری……ورادی میا بشر بیاری

چرچی بهارو پر خورجینش……کویا لرسو هان د کمینش

پر د بهاره درای چرچی……بری سرداری بری سرونی

گو مال س سوز پر بی دشت……گل گل نازارا اومانه گل گشت

دولمن مری وعده دارش واش……وا یار سوز کرده د هم آریاژ

اوشتِرانکو وا فوج سوارش………برف آو گهر کاری ندارش

بهار مال ونه کور سوز کوفتی……باروناو شوسته تژگا کرمی

هفت پوش کور شووش و بارو……دیار درد دی نها زوآرو

وا حنا میا و پا بناری…….ورادی میا بشر بیاری

دانلود آهنگ با کیفیت128:کلیک کنید

 

یه شو بی نصمه شو بی نیمه شوگا…….دل گریونم گریت سی دیینه یار

و و حال ای دلم حسرت نصیبم…….د مین شر خومم بی تو غریوم

دوس دیرینم بیا بیا بیا مردم د داغت…….نوونم هیسی کجا بیام و سراغت

نو بهارم بیُ بی تو چی خزونم…… هو زونم رتی و بی هم زونم

سرمه چشم خاکم زیر پات ا دوس کنج قلبم تا قیامت جات ا دوس

وِ وِ حال ای دلم حسرت نصیبم…….د مین شَرِ خومم بی تو غریوم

دانلود آهنگ با کیفیت 128:کلیک کنید

بووه پیره یادته که وم گوتی…….میتونی رویی و او شیش مقال

 چی یه کور غیرتی بکش و کو……دراری  دارای تفنگ د او کلور دال

وت گوتم ا بووه پیره سل بکو……پرپریکی ها و ری آو می میره

ار مه نووم ار تو نووی کی میا….پرپریکن د ری آو بیره

بووه پیره او تفنگ و شنگ قطار….بل بپوسه هه د او کلور دال

بووه پیره متل عشقن بو……که همه اش تیر و تفنگ زنه ی

تو بیا و نقش بال پرپریک…..سل بکو چنی قشنگه زنه ی

تو بیا د نازکی دلم…..چی اساره پرپریک هوا بکیم

نلیمو ری آو برکه بمیره……پرپریکی که میها رها بکیم

بووه پیره متلی دواره بو….متلی که گوتنش جنگ نووه

متلی که که بو گل یاس میه…..متلی که هیچکه دلتنگ نووه

 

دانلود آهنگ با کیفیت 128:کلیک کنید