بردیا مهرآرا

تک آهنگ بردیا مهرآرا:گلارا

متن آهنگ:

ویر کو چینه نازارم گلارا….ا هجرون تو بیمارم گلارا

امیر دودمونه شادمونی…ا وقتی چینه خم بارم گلارا

خوشحال روژی ار لام بینه اخما…خم دیری می آزارم گلارا

اگر تا یک دو روزتر نایه ایلا…د مردن اصه ناچارم گلارا

 

دانلود با کیفیت128:کلیک کنید

 

ای دل به تایم ا در بهاتاین…چی شاه هر گدا و سرت بیایا

مه هتم نوهات در واز کردم…لاشم و کراس ورت بیایا

تو بوش چه بکم چارم ناچاره…ا وقتی چینه شوگارم تاره

سودا عشق تو مه اور اشکونی …مال ار یک نیا ا یک پشکنی

کتم ا ور تاف کومال او سیلت …شراره برمت مه آو اشکنی

تو بوش چه بکم چارم ناچاره…ا وقتی چینه شوگارم تاره

یا موم مالت یا بو و مالم….هتن یره چله سرسالم

مه که سورمه آوته دنیا….تا روژی که تو باین ار دالم

دنو بگری منه تا دردا….بس که خم بیه چمت خم دا

تو نه گریوه هاشونه چلرو….خنه چی مرخی ا لووم پردا

تو بوش چه بکم چارم ناچاره…ا وقتی چینه شوگارم تاره

 

دانلود با کیفت128:کلیک کنید

 

تار زنه ای نیر گلارم کوو….یه کوری فوج هزارم کوو

ژلم گل سوز دلم تینیه….شور آو روژ فواوم کوو

هام و خور تا سو وا پرخاش شو….هلدر خاو آر گوارم کوو

موسم پاییز مه سردژمنی…آگرم ار چیت ایوارم کوو

تار زنه ای نیر گلارم کوو….یه کوری فوج هزارم کوو

طاقتم ا دس چیه بیچار بیم…هر مرضم  یسره چارم کوو

 

دانلود با کیفیت128:کلیک کنید

 

آخرش بلبل مه لال دِروما بی تو….سیو ای باغ د سر کال دِروما بی تو

مه و او قول قرار تو چنی دل بستم…صبر چن روزَ که چن سال دِروما بی تو

مه یه شو خواو دیدم آو دریم میپاشن…وکه آو پاشنه وسال دروما بی تو

یه نفر گوت که مه آخر تونه مینم اما..هونه آخری رمال دروما بی تو

آخرش بلبل مه لال دِروما بی تو….سیو ای باغ د سر کال دِروما بی تو

مه و او قول قرار تو چنی دل بستم…صبر چن روزَ که چن سال دِروما بی تو

 

دانلود با کیفیت128:کلیک کنید

 تژگا پر تشی شولیز سردم…تو باد بهار مه بلگ زردم

چشان میونی یا ره بنونه….سیل سر کرده قارت گرونه

چی لف بارو د نوبهارو….بوسو دریانه موری و تارو

بیشه تاریکه چی شو ضلمت…یا که باد پنجه زیه د زلفات

سِل چشاکت دوه تاراجم…میزنی هر دم چووه حراجم

چی کیچه باغی پر رمز و رازی…چی اور بارو دس و دلوازی

دسات و گرمی دسا افتاووه…لووه خنکت جوم شراووه

شوقه دیینت چی یه آرزو….ها کنج دلم چی راز مگو

تو شاکلیل زالنیایی…بال پرواز بالنیایی

 

دانلود با کیفیت128:کلیک کنید

 

برف گرو سالی سخت زمسو…یخبنون رعد راز شوو سو

اور سیو آسمو چی شوازنگ…تشبریق ها میزنه شپور جنگ

وا گیژه میلیلو نه دل همه لا ….دنگ بلبل گم د قیله قلا

لیز لونه سرد تژگا بی تشه…کسی د پنج دری سر نمیکشه

هوار ا کشتم ای زمسو…کجا ها مورم غم دورو

برف گرو سالی سخت زمسو…یخبنون رعد راز شوو سو

اور سیا آسمو چی شوازنگ…تش بریق ها میزنه شپور جنگ

لیز لونه سرد تژگا بی تشه…کسی د پنج دری سر نمیکشه

باغ و بیشه حشکو گلیا بی گل….دسیا سرد سلامیا بی جواو

هوار ا کشتم ای زمسو…کجا ها مورم غم دورو

ریسک افتاو شوم شون کلبا…دوس و دس زمسون د و باد

زمسو ورگشتو ری کرد و دما….پرچم اسبیشه برد د هوا

بهار امید اومایه وا ناز…د قفس گل کرد پر پرواز

نو بهار اوما چی سردار پیروز…پرچمش زیه ری بون نوروز

نشسه ری تخت سنگ و رنگارنگ…تا دراره غصه ن د دل تنگ

بهار امید اومایه وا ناز…د قفس گل کرد پر پرواز

 

دانلود با کیفیت128: کلیک کنید