آلبوم خیال بی قراری

دوس سفر رته سیچی ری و دما نمیکنه….عشق قدیمش د دلم شعله وپا نمیکنه

آه غریو دل تنگ سر کشیه د آسمو….ناله و آه دل تنگ درد دوا نمیکنه

یاد تو ا دوس قدیم یار وفادار منه…غم که بووه یار کسی شاه و گدا نمیکنه

عشق تو چی درخت پیر ریشه زیه د جونمه….ریشه دار پیرنه هیچکه دجا نمیکنه

گوتم که دلسوز منه همدم دیروز منه…دوس قدیمی که ومه جور جفا نمیکنه

 دوس سفر رته سیچی ری و دما نمیکنه….عشق قدیمش د دلم شعله وپا نمیکنه

 

دانلود با کیفیت128:کلیک کنید

غم عشقت چنی کردم گرفتار…..د دیریکت نه روز دارم نه شوگار

چراغ حونمی امید جونی…د سینه دل میمونه ار بمونی

نرو دیریت غم و دردی سنگینه….بشی تا دل د سینه هم بشینه

چراغ حونمی امید جونی…د سینه دل میمونه ار بمونی

شکارچی بیم شکارم کرده سیلت….زیم وا تیر سیلی باو میلت

دلنم میهاست که بیته نوشکارم…شکارم کردی شیو دی دکارم

چراغ حونمی امید جونی…د سینه دل میمونه ار بمونی

غم عشقت چنی کردم گرفتار…..د دیریکت نه روز دارم نه شوگار

 

دانلود با کیفیت128:کلیک کنید

ا فلک کار بار تو ه چی ناکسونه….داغ نیای د کنج دلم همیشه بهونه ه میمونه

چی قش میگردی د دوم کموتر ه د کوه و بناری…..داری همه جا زیر بال پر چی باز شکاری

چرخ فلک رمی بک و حالم…..سل بک و گوش چش نال نالم

تش گریتم تش گریتم چی هیمه دار بلی…چی یوسف ونیمه د چاه بردیه د یادم

آگر تورف کلی برس و دادم تو ودادم….چی یوسف ونیمه د چاه بردیه د یادم

 

دانلود با کیفیت128:کلیک کنید

امید جونم بیزارم د جو…تو کردی مجنون بیابونم

بی سامونه کار دلم

بی تو نمونم تا که بیقرار دل بام…..شوگرد پریشونم سرگردون عشق تونم

تو قراری بیقراری تو گلی تو نوبهاری….مه اسیر زار عشقت تو منه بردی و خاری

همای بختی تو..همای بختی تو…همای بختی تو

نمی پرسی داغ پر درم….نمی گوش و ناله ی سرم

تو کردی مجنون بیابونم…بی سامونه کار دلم

دانلود با کیفیت128:کلیک کنید

چش وه ره دل و تما بلکم تو بیایی….غم دیریت کشتمه نازار که میایی

مه که رسوای دلم دل هم رسوای تونه…..مه که شیدای دلم دل هم شیدای تونه

نازار شیرین نازارم شیرینی روزگارم آی د دیریت بیقرارم

هر کسی یارش تو بای دی دنیا غم ناره….غم بشینه وو دلش که غم سیت دوس داره

مه که رسوای دلم دل هم رسوای تونه…..مه که شیدای دلم دل هم شیدای تونه

نازار شیرین نازارم شیرینی روزگارم آی د دیریت بیقرارم

دوس دیرینم سختمه سوختمه مه د داغت….های و کجا نازنین بیام و سراغت

دونم چون باوفای یه روز آخر میای آی میا و سر جگای

طاق نصرت میونم سر رت میشینم…..ار بیای د سفر یار نازنینم

مه که رسوای دلم دل هم رسوای تونه…..مه که شیدای دلم دل هم شیدای تونه

نازار شیرین نازارم شیرینی روزگارم آی د دیریت بیقرارم

دانلود با کیفیت 128:کلیک کنید

نام اثر:دست خیال   آلبوم: خیال بی قراری

دیشو که خاطراتت چی گل جوونه می زه….تا صو دس خیالم زلفیاته شونه می زه

اوفتایه د خیالم،جز تو خیالی نارم….تا صو تش خیالت،دی دل زوونه می زه

دیشو گریوه شورم،وارس و تنیاییم….چشیام نمک د داغت،و زخم کهنه می زه

ای داد تیر عشقت،عقل و خیال هوش…..بی حرف و بونه می زه،دونه و دونه می زه

غم بی خور د حالم،وا دس عشق یارم…..دریانه چی خشایار،و تازیونه می زه

دیشو گریوه شورم،وارس و تنیاییم….چشیام نمک د داغت،و زخم کهنه می زه

 

 

دانلود آهنگ با کیفیت 128:کلیک کنید