حشمت رجب زاده

ا فلک کار بار تو ه چی ناکسونه….داغ نیای د کنج دلم همیشه بهونه ه میمونه

چی قش میگردی د دوم کموتر ه د کوه و بناری…..داری همه جا زیر بال پر چی باز شکاری

چرخ فلک رمی بک و حالم…..سل بک و گوش چش نال نالم

تش گریتم تش گریتم چی هیمه دار بلی…چی یوسف ونیمه د چاه بردیه د یادم

آگر تورف کلی برس و دادم تو ودادم….چی یوسف ونیمه د چاه بردیه د یادم

 

دانلود با کیفیت128:کلیک کنید

ا چرخ گردو تاله رشی تا که…..کت کت بوی ا دل منت کشی تا که

وا مه بخن ا دوس دنیا دو روزه….کَس چی مه د داغ دیریت نمیسوزه

مردم اگر مینت رنگ چنی زرده…چن وقته که دوسم ملش و مه سرده

د آسمون دل رته ستاره آی….امید ای جونم عمر دوواره

بخت ا بکو یاری که روز تنگیمه…که یه چنی روزینه و خاو دیمه

دوس سفر کرده رته بموننه آی …نونه غم دیریش غمی گرونه

 

دانلود با کیفیت128:کلیک کنید

اختصاصی سایت لرمدیا

 

منمه تنیا خدایا ه تو دونی…کشتمه بار غم بی هم زونی

آسمونم سر و سر پر د تب و توز…درد دیری کشتمُ عشقی جگر سوز

ه چی باز نو پری اشکسه بالم…روز و شو دلواپسم کافر وحالم

کافر وحالم کافر وحالم اشکسه بالم…اشکسه بالم کافر وحالم کافر وحالم

چی تل حشکی د داغت ها میسوزم….که میا رمت بیا وی حال روزم

ا وا سل میفریبه نیمه رته…خوت خور ناری د پا وینمو رتی

توژ دلتنگی نشس و شونم ا دوس…مر تو ورگردی بکی درمونم ا دوس

ا سفر کرده تو بو ک ور میگردی…باغ سوز آرزو رته و زردی

سرمه چشم خاک زیر پاته ا دوس….سیک قلبم تا قیامت جاته ا دوس

 

استفاده از مطالب اختصاصی در دیگر سایت ها با ذکر نام منبع مجاز می باشد

دانلود با کیفیت 128:کلیک کنید

عهدکم پیمونکم سرکم سامونکم….درد بی درمونکم ا امید جونکم

که تو میای و خاوم….که تو میای و خاوم

رازم هم رازکم بالکه پروازکم…نازنین ا نازکم نازکم ا نازکم

که تو میای و خاوم…..که تو میای و خاوم

کم هراسونم بکو….زار و حرونم بکو

درد دورونم نکو…غصه د جونم نکو

عهدکم پیمونکم سرکم سامونکم….درد بی درمونکم ا امید جونکم

زارکم نازارکم هم گل هموارکم….سال نو امسالکم پارکم پیرالکم

غنچه نشکفته,دلم باغ پژمرده دلم….جومه غم دوخت,دلم سیکه سوخته دلم

که تو میای و خاوم….که تو میای و خاوم

دانلود با کیفیت128:کلیک کنید

امید جونم بیزارم د جو…تو کردی مجنون بیابونم

بی سامونه کار دلم

بی تو نمونم تا که بیقرار دل بام…..شوگرد پریشونم سرگردون عشق تونم

تو قراری بیقراری تو گلی تو نوبهاری….مه اسیر زار عشقت تو منه بردی و خاری

همای بختی تو..همای بختی تو…همای بختی تو

نمی پرسی داغ پر درم….نمی گوش و ناله ی سرم

تو کردی مجنون بیابونم…بی سامونه کار دلم

دانلود با کیفیت128:کلیک کنید

اوسه میگوتن که شمشیر روز جنگ میا و کارت….یا برار د روز تنگی شو میه و زیر بالت

میگوتن که هر درختی شیرینه وا شاخ و برگش….هر گلسونی قشنگه وا گلاکه رنگ ورنگش

شاخ و برگ آیما هم دوس و آشنا و قوم خیشه….هردر بی شاخ و برگی حشک مووه د کنج بیشه

آدیمه بی پشت و پلی چی دار بی برگ باره….نه ثمر میه و باغش نه سایه بونش دیاره

مردمو د روز تنگی بیرتو ا دس تنگم….روز جنگ وا دشمنونم پر بکید قطار تفنگم

دانلود با کیفت128:کلیک کنید