کربلایی رضا موسیوند

 د بار غمیا اشکستم …د داغ جد اطهرم

د روز اول غم اوما….پرده کشی و ری سرم

اما دلم خوش بی حسین ها د کنارم تکیه زیه بیم و قد بالا برارم

سلام ا گل پرپرم…. سلام ا همه باورم

سلام ا قرار دلم…سلام ا عزیز مادرم

هرو د او شو که دلم اشکس د داغ مادرم….یه عمره دل خین در دیوار مسمار درم

اما دلم خوش بی حسین ها د کنارم تیکه زیه بیم و قد بالا برارم

سلام ا امیرم علی و عشقت اسیرم علی…د داغ سر اشکسه الهی بمیرم علی

گرد یتیمی وم نشس ماه خدا رت د سرم…و ضرب تیغ ا دکینه فرق علی شق القمر

اما دلم خوش بی حسین ها د کنارم تکیه زیه بیم و قد بالا برارم

سلام ا شه بی حرم…سلام ا امیر کرم

امام کریمم حسن…سلام ا مه محترم

وقتی و زهر کینه یا پاره جگر بی مجتبی…بی بیت الاحضان قلب مه د غربت آل عبا

اما دلم خوش بی حسین ها د کنارم تکیه زیه بیم و قد بالا برارم

سلام ا هوادار مه…برار وفادار مه

فدای قد قامتت…برار علمدار مه

دس برار پلوو د لو نهر علقمه د تن جدا بی قامت مولای مظلومم خمه

اما دلم خوش بی حسین ها د کنار تکیه زیه بیم و قد بالا برارم

سلام ا سر بی بدن…سلام ا تن سر جدا

سلام ا عزیز دلم…سلام ا حبیب خدا

مه زینبم که د دلم ریشه زیه دار بلا…لش برارم بی سرم منه د خاک کربلا

ایسه که تنیا منمه هرو و حالم…یا رب د هجرون حسین تا که بنالم

آقام حسین آقام حسین

 

دانلود با کیفیت128:کلیک کنید

 

مداحی برار بی سر مه     مداح:رضا موسیوند

متن مداحی برار بی سر مه رضا موسیوند

***

ا برار بی سر مه

یا حسینم یا حسینم

د اربعین حسین پای پیاده…عشقمه سینه زنی د مین جاده

اهل لرسونم شیعه ی حیدر….فدایی زینب حسین بی سر

حماسه ی حضور و عشق یارم…اومامه وا بکه یار گره د کارم

و یاد پای خورد خار رقیه…و یاد او دل غمبار رقیه

زائر اربعینم و لطف مولا…شیعه ی شاه دینم و لطف مولا

د اول محرم چله نشینم…گدای پهلونه ام بنینم

اومامه تا بیرم حب المتین…برات اربعین سال هنینه

قدم زنو و سمت حرم روونه…د سینه بار درد غم گرونه

حاجت مه ظهور امام حیه…و غربت مقام بی بی رقیه

 

 

دانلود با کیفیت128:کلیک کنید

 

ا اهل حرم  دس ابوالفضل جدا بی…یه دسه گلی بی که تقدیم خدا بی

قلتونه و خی ماه مدینه …سرلشگر بی مثل قرینه

منه و زمی مشکل پتینش…د راه خدا رختسه خینش

د ماتم سقای حرم ماه دل آرا…خم بی کمر پور علی زاده ی زهرا

هجرون  یل ام بنینه..فریاد فقو داره سکینه

صاب علم دین خدا رت…آروم دل خین خدا رت

بی یاور تشنه مننه خیمه یاسحساس..منه و زمی دس یدالله ی عباس

عالم بیه مدهوش عزادار…د ماتم عباس علمدار

ماتم گریته زینب اطهر…د داغ دو دس کور حیدر

وقته سفر یار وفادار حسینه…ایام عزا د غم سردار حسینه

اشکس کمر حضرت زینب..هیرو د غم غربت زینب

رته  د کفش تاو قرارش..می ناله د هجرون برارش

لش یل دلدار علی نقش زمینه…هیرو علم دین خدا غرق و خینه

سرباز وفادار ولایت…پروانه ی مصباح هدایت

وا فرق دو دس جدا رت…لو تشنه و دیدار خدا رت

عباس علی پاره بدن منه د میدو..غم بار عزاداره دل شاه شهیدو

 

 

دانلود با کیفیت128:کلیک کنید

 

 

یل دریا دل امیدم عباس…سپسالار رشیدم عباس

کجانی ساقی برار زینب…ستین قلب قرار زینب

کمه شمشیرت اسیرم عباس…بیا ا ماه دلیرم عباس

د راه قروو فدا بی جونت…جدا بی دست سر پمونت

دلم می سوزه د داغت عباس…میرم هر شو سراغت عباس

امید خمه قد بالاته…تو که یا زهرا وری لویاته

برارم حفه بمیری عباس…دما تو رتم اسیری عباس

نصیبم بی تو غم و زنجیره…حرم آماج حجوم تیره

یل دلدار دلاور عباس….و خاک خینی شناور عباس

 

دانلود با کیفیت128:کلیک کنید

 

ماه شوگارم ا علمدارم….وری سردارم وری سردارم

بیرق عاشقی ها وری شونه تو…جون اهل حرم بسته و جون تو

چل چراغ شام تارم ا امیر باوقارم…وری سردارم وری سردارم

قامت مادرم د غزای تو خم…چش زینب پر بیه د بارون غم

ا امید کارونم ا برار پلوونم….وری سردارم وری سردارم

رتی بار غم نیا و شون مه…بنگ ادرک اخا قاتل جون مه

ا برارم بینظیرم هم برار هم امیرم…وری سردارم وری سردارم

شونیا زینب زیر بار گرو…خمیه یا سوخته وا کینه یکافرو

بعد مرگت بیقرارم یا ابوالفضل ا برارم…وری سردارم وری سردارم

تکیگاه حرم سرو بالای تو….ا فدای تو قد رعنای تو

رتی و دل پر د خینه….هر دو دست ری زمینه

 

 

دانلود با کیفیت128:کلیک کنید