مجید عزیزی

آهنگ بارون پاییزی  خواننده:مجید عزیزی

متن آهنگ بارون پاییزی مجید عزیز

***

زیر بارون رفت پاییزی

گلم وا چترت چنی عزیزی

خدا بکه که بارو بواره

آسمو اما رفیقی ناره

بارو بارو بارو بارو بارو

چش منو تو چی چشمه سارو

رمو بوازم و شوره زارو

آسمو صا کرد چشم میواره

دلم تنگه چی تنگ ایواره

خدایا رسمت سر وم شیونه

گکره ری گره کوره میونه

بارو بارو بارو بارو بارو

چش منو تو چی چشمه سارو

رمو بوازم و شوره زارو

 

دانلود اهنگ با کیفیت128:کلیک کنید

 

آهنگ لیوه نیم    خواننده:مجید عزیزی

متن آهنگ لیوه نیم مجید عزیزی

***

لیوَه نیِم آگِرِ گیونِم چیَه

لیوَه نیِم آگِرِ گیونِم چیَه

درده دلِم تا گَه سخونِم چیَه

درده دلِم تا گَه سخونِم چیَه

عشق مَه قَل پنجَه مِه اَر بیخِ تو

عشق مَه قَل پنجَه مِه اَر بیخِ تو

بو مَه کِلِک نِشونِ تاریخِ تو

کاری بِکَم سِخُونِیلِم چِلا دِی

دَنگِم تَمُومِه مِردیِل گِلادِه

دِی شَکِتِم اِ دَسِ ای بازیه

دِی شَکِتِم اِ دَسِ ای بازیه

مِردِنِه مَه کَشکِلَه شیرازیه

دِی شَکِتِم اِ دَسِ ای بازیه

مِردِنِه مَه کَشکِلَه شیرازیه

دِی چَنی ای سازه نمو اوژنن

تیلِ مِنو هوزِه خدا دُشمَنِن

تیلِ مِنو هوزِه خدا دُشمَنِن

قورِه مَه باید بِنِن اَر نوم ریِت

قورِه مَه باید بِنِن اَر نوم ریِت

تاگه بِنازِم وَه کِراسِه سیِت

خوَه مَزونِم تو سیِه وَر نِمِی

اَر بِمِرِم گوشَه چمِی تَر نِمی

اَر بِمِرِم گوشَه چمِی تَر نِمی

 

دانلود آهنگ با کیفیت128:کلیک کنید

 

آهنگ پاپریک    خواننده:مجید عزیزی

متن آهنگ پاپریک مجید عزیزی

***

خوش وحال آسمونی که تو اورشی همیشه

خوش وحال دار سوزی که د مشتت زیه ریشه

تو شریک آسمونی ا صاحاو آو و باد بارو

هر هناسه ها د سینه اسمته میاره وا زو

اسم تو هر جا که میری ورد زونه پاپریکه

هم زمی هم آسمونیا ملکتن تیکه و تیکه

دلمه پر کو د درد کی گو جا سی دوا بل

ار چشاته بوردی وا خوت برمیاته سی جام بل

تو هنی هم عاشقی کو که هنی هم عاشقت بام

بکو کاری که اگر دل کنی هم عاشقت بام

دل کنی هم عاشقت بام

دل کنی هم عاشقت بام

 

دانلود آهنگ با کیفیت128:کلیک کنید

 

آهنگ کافر   خواننده:مجید عزیزی

متن آهنگ کافر مجید عزیزی

***

کافر دلم هر وره مکه

زلف ته مه زنجیره مکه

کافر دلم برمه نتارت

خنه رنگین بیمه دچارت

کافر دلم دس پیچه ماریه

اری دیریت چیه ستاره

کافر دلم منیسه تنیا

اری دوسم چمسه یلا

کافر دلم نیشتی کز و کو

اری دی دسپیچ بکه تو

کافر دلم آسمو لرانمه

دوس دیریم جیرم سزانه

 

دانلود آهنگ با کیفیت128:کلیک کنید

 

آهنگ مریم مریم    خواننده:مجید عزیزی

متن آهنگ مریم مریم مجید عزیزی

***

چی کله کلما مریم مریم مه تنیا منم

چی کله کلما مریم مریم مه تنیا منم

خدا داری ه بووه مریم زوره دسنم

ای دیری تنه مریم مریم ار عزادارم

عصرم نزیکه بوه مریم و می یه بنم

آی مریم گل باخی

آی تینه دل میناخی

وتم قولت مریم مریم هر هامو خیال

وتم قولت مریم مریم هر هامو خیال

عمرم چی سرم بوه مریم سال پشت سال

منه که عاشق مریم مریم سوزه سر نابی

بیمه هم نشین بوه مریم شعر دف و تار

آی مریم گل باخی

آی تینه دل میناخی

هم اور هم ماه مریم مریم هم آسارمی

هم آزای سخون بووه مریم هم گلارمی

آی مریم گل باخی

آی تینه دل میناخی

 

دانلود آهنگ با کیفیت128:کلیک کنید

 

آهنگ خرمن ناز    خواننده:مجید عزیزی

متن آهنگ خرمن ناز مجید عزیزی

***

تش گرتم سخته سخونم هنی

درد بلاته بو وه جونم هنی

برف سر بونتم آوم نکو

عاشقتم لیوه حساوم نکو

باد دسش بسته وه زنجیرته

آسمو هم چی مه زمی گیرته

حال گنم وا تو چه خوه نرو

عاقبتم خیر نموه نرو

سخته دلم سوزم و سازم تونی

تش د کلت خرمن نازم تونی

نازته کمتر بکو لیوم نکو

پا د خنه سر د گریوم نکو

هم د هوا هم د قفس عاشقم

امشو نفس پشت نفس عاشقم

جون خومه امشو بدهکارتم

زلزله بو تشنه ی آوارتم

توم چشاته د چشم کاشتی

کاش د حاله مه خور داشتی

درد دلی داره چشم وا چشت

ها بونم امشو خومه مین تشت

سخته دلم سوزم و سازم تونی

تش د کلت خرمن نازم تونی

نازته کمتر بکو لیوم نکو

پا د خنه سر د گریوم نکو

 

دانلود آهنگ با کیفیت128:کلیک کنید