سیف الدین آشتیانی

روزگاری تال سولی صد کرور بی…قمت تال سول ملک هرور بی

ارزش سول پیا بیشتر د زر بی…قول مردی قرص محکم چی کمر بی

ار جونش برتی هم قولش وجا بی…سینه او دولاوه راز بی نوا بی

هان کجا او شیر پیایا اوسنیمو…تا بخرن وقت تنگی آوریمو

هان کجا چوقا وشونا دیوخونم…هان کجا کنه سوارا پلونم

و غیرت مردی مری حشک بییه تومش…گاو جفت روزگار گن زیه شومش

ا اجل زیتر بیا درمون دردی…کونه بی رسم سول بازار مردی

دانلود با کیفیت128:کلیک کنید

 

اول سر چم کو مخمل کوه بک سل….یار دیرینم و مه کرده میل

دل که لیوَشه مه لیوه دلم….خاطرش تشی ونه د کِلم

ای گل نرگس کردیمه لیوه….دلسوزی نارم سیم بگریوه

نه شیرین داره او تار زلفاش…نه لیلی داره او خال لویاش

باد شمال زه شونه و گیساش….کرده صدا د سرمه د چشاش

ای گل نرگس کردیمه لیوه….دلسوزی نارم سیم بگریوه

زیتر د افتاو سر سواری…میرم نها دوس بیا و دیاری

دیارش کردم مجنون شَرم…شیرینه نازش وجو میخرم

ای گل نرگس کردیمه لیوه….دلسوزی نارم سیم بگریوه

دانلود با کیفیت128:کلیک کنید

چوپی گیر جومه آوی ما مین ریته….او خراج ملک ری تالی د میته

شواکش شوا بکش تو و هوادار…دس دسمال بونم و دونه موروار

بازنه دسمال حریر گل بهاره…د مین صد بازنه قشنگ دیاره

سازنه پوف کو د سازت شادوما داره میا….کل زنو کل بزنیت د ایچنا تا مین قلا

او گل دسمال کتان چی بالابرزان…توز زیر پایاشه وا شونه لرزان

چوپی کش چوپی بکش گل و هزاره…دس و دسمال گلم هیچ کسی ناره

هوله وا سیت بیارم بوحونیت گوشت بره…بونیت و سر عروس صد سکه نقره

دانلود با کیفت128:کلیک کنید

 

نوبهار داره میا ریم و سل صرا….غم د دل بکه و در شادی د ره اوما

چی نسیم نوبهار تو بیا شادم کو…غمت کرده زنجیرم د بن آزادم کو

دلم خوشه و ینه که تونی بهارم…کول کسونمی تو بیا وا دیارم

دوسکم دل بریه د میلش ومه نی…قسمتم دی روزگار د بیتر دیه نی

ای بهار تا او بهاری چش انتظارم…بی تو چی زمسونو وا تو چی بهارم

نوبهار داره میا ریم و سل صرا….غم د دل بکه و در شادی د ره اوما

 

دانلود با کیفیت128:کلیک کنید

کشتمه کردمه پیر…..ای همه درد دلگیر

گوش  به و نالیام یار….. مه موحونم تو بشمار

انارستون بی چشمه….میکشم آخرش یار

بهار و بی رنگو رشمه….د جو کردمه بیزار

کیچیا تنگ و بن بست….هنایا بی هنارس

انارستون بی چشمه..بهار و بی رنگو رشمه

میکشم آخرش یار….د جو کردمه بیزار

نساراکه بی افتاو…میکشم آخرش یار

هوایاکه بی واکار….د جو کردمه بیزار

اخم سر یار….سلام سرد همسا

انارستون بی چشمه..بهار و بی رنگو رشمه

میکشم آخرش یار….د جو کردمه بیزار

کشتمه کردمه پیر…..ای همه درد دلگیر

نمیله بیرم آرم..دردیا روزگارم

غم ایوارگنا…میکشم آخرش یار

دلتنگی جونیا…د جو کرمه بیزار

پاشمه سرد حونیام..سنگینی کِز شونیام

دانلود با کیفیت 128:کلیک کنید

مه دل منه او دل بی کش…د ویر بردم آسایش

وا سیلت برف دل وا رت…..افتا و جو دل شکت

و سیلت کردمه عادت….بیمه داول در حونت

دو چش مست وردار….بوار و دشت بی گلزار

بی سیلت زنه ای زندو….بی سیلت سال بی بارو

وا سیلت آسمونم قن….زمینم و زمونم قن

وا سیلت روزگارم خوش….پاییزم و بهارم خوش

وا سیلت سوزم و سربن….بی سیلت چی حریف

بی سیلت دارسو بیمار…زنه ای تنگ و بی تیمار

وا سیلت شعر تر دارم….هزار سودا و سر دارم

وا سیلت دفترم وازه….پره د بتیا تازه

خوشیمه زیر و ری نکو…..نفس شعرم نسو

و سیلت کردمه عادت…وا سیلت برف دل وارت

دانلود با کیفیت128:کلیک کنید