حشمت رجب زاده

ونه مجنون دورونه که بچو بزنن بردش…درین پر د خیناوش بیینی د رنگ زردش

نه او مجنون که سی لیلی خوش ویلون صحرا کرد…نه چی فرهاد که عشق خوش وه تیشه نقش کویا کرد

کِلک نشون عالم با د کیچه و د بازارش…بیه جونش بیه مالشوه گوشه دو چش یارش

ونه مجنون که لیوه دیینه یاره…که چی منصور حلاجم سرش تشنه گَل داره

میگردم کیچه و کیچه دوره گردی بیه کارم…و روز جام مین بازاره و شو پا ساره دیوارم

یه چش خنه یه چش اسر و دل بار غمی دارم…بوو قومو نکن منعم که لیوه مین بازارم

 

 

دانلود با کیفیت128:کلیک کنید

 

عجب ماه ی میان آسمون است….عجب شهرزادی خدا مهمانمان است

شکر تلخ است اگر شیرین نباشد….چمن خار است خدا اگر نسیم نباشد

****

تیل تر بیم غم کرده پیرم….چی موو داری مه زمیگیرم

کَس نمیشینه و شاخ برگم…آی دوس آشنا کردنه ترکم

داد ه بیدار بیم و خاکستر خاکم برده باد

دو شاخ و برگم آثاری نمن…آی و کم نشونی یادی دم بکن

اوسه جوو بیم کل دوسم داشتن…و پای نونم ه گل میکشاتن

ایسه پیر بیمه دلسوزی نازم…د کنج باغی داری پیتالم

د کسی نارم نازم بخره…او چاره دردم تیغ تبره

بو تشم دین دلم بکن شاد…مر د کول تش دم بکن و یاد

 

دانلود با کیفیت128:کلیک کنید

 

ا خدا چی روز پیشی وام دیاره…دی زمونه بی وفایی بی شماره

چی مووه د آسمون سینه یامو…نمه نولی تم و تم وفا بواره

باغ دل میوه وفا داری بیره….به غوش غم شو د سینه لیز نیره

جو فدا بکیو د راه دس براری…تا صفا و مهر یه رنگی نمیره

دس شیشه ای غم د بیخ درایه…جای غم تیر تر شادی بکاره

چه خووه جا دشمنی دوسی بشینه..تا ژنگ کینه و شی چه دلنشینه

چش بونیم د زرق و برق دنیا…هه چنو ماری که بیزاره د پینه

چه خووه جا دشمنی دوسی بشینه..تا ژنگ کینه و شی چه دلنشینه

 

دانلود با کیفیت128:کلیک کنید

 

هه و ناز پات بنی پات مینه مین سرش….ای دوما که مه دیمه برگ وفا ها د ورش

تو بخن تا بخنه دنیا وری بخت همه….ار زمین و آسمو وا تو بوازن هم کمه

د ای شرمی که تو داری مه زلم میره عروس….نخنی ناز نکی بونه د تو بیره دوس

هه و ناز پات بنی پات مینه مین سرش….ای دوما که مه دیمه برگ وفا ها د ورش

 

 

دانلود با کیفیت128:کلیک کنید

 

منو ناز خیالت دل شوق وصالت…شو روز ناریم ا دوس د دس چش کالت

دلم سیت  تنگ تنگ وا تو دنیا قشنگه..مگر نوونی عزیزم که کارم بی تو لنگه

بیا ا ماه نازم بیا ا دنگ سازم….که وا شوق بوازم امید چاره سازم

دلم سیت  تنگ تنگ وا تو دنیا قشنگه..مگر نوونی عزیزم که کارم بی تو لنگه

خور ناری د حالم که سیت یسر خیالم..اگر باور نمیکی بیا زی وا دیارم

میشینم تا بیای روه وا سر جگایی..چی مووه دوس دیری شوی دی در درایی

بی تو بی آشیونم تونی نوم نشونم…بخن تا غم بسوزه تش غم نو د جونم

منو ناز خیالت دل شوق وصالت…شو روز ناریم ا دوس د دس چش کالت

دلم سیت  تنگ تنگ وا تو دنیا قشنگه..مگر نوونی عزیزم که کارم بی تو لنگه

 

دانلود با کیفیت128:کلیک کنید

 

یه شو میونم بارم میرم و غریوی….دَ مننمه ناره صقایی که بمونم

وا غروت و تنیایی دلتنگی و دیری…نارم و خدا برگ و نوای که بمونم

د ملکی که اومامه و دی ه چی غریوم…دونم که نمنه سیمه جای که بمونم

رته د سرم عقل و د جو تاوی نمنه….نارم دل لیوه صلای که بمونم

زخمه همه سرتاسر دشت دل چولم..ناره د یجا تیر بلای که بمونم

د ملکی که اومامه و دی ه چی غریوم…دونم که نمنه سیمه جای که بمونم

یه شو میونم بارم میرم و غریوی….دَ مننمه ناره صقایی که بمونم

وا غروت و تنیایی دلتنگی و دیری…نارم و خدا برگ و نوای که بمونم

 

دانلود با کیفیت128:کلیک کنید