دانلود آهنگ ناصر رزازی به نام ئەمشو هەم دیسان

ئەمشو هەم دیسان دەروون پڕ خەمەن

ئەساسەی ماتەم جە لامان جەمەن

نە تاو دووری دڵ بێقەرارەن

بینایی دیدەم جە خەفەت تارەن

شریخە و گرمەی هەوری دووریی دۆس

وە فەنا بەردەن مەغز و ڕەگ و پۆس

شەرارەی گرپەی ناری مەهجووری

کەردەن وە غوبار کۆگای سەبووری

نە تاقەت مەندەن نە تۆی دەرووندا

نە لەیلێ مدیۆ وە لای مەجنووندا

یاخوا مەردەنێ بۆ وە مێمانم

ئیتر نەوینوون دووریی یارانم

بەڵکم خەلاسیم نە دەس دووریم بۆ

بەو زووخی زامان نەشوون وە گڵکۆ

ئەمشو هەم دیسان دەروون پڕ خەمەن

ئەساسەی ماتەم جە لامان جەمەن