مداحی های سید ایرج موسوی

ایسه که ها میره سردار لشگرم..ا اشک بزه و لا بینم دلاورم

برین د علقمه دسا دلاورم..عباس باوفا سردار لشگرم

ایسه که ها میره سردار لشگرم..ا اشک بزه و لا بینم دلاورم

بعد تو خمیامونه تش زنه…بچون یتیم هیرو کتک زنه

سختنه دلمه ها سیت میکنه دی…دسات زمین قلتو د مین خی

یل ام البنین سردار بی سرم…بیرقت و زمی اشکسه کمرم

ایسه که ها میره سردار لشگرم..ا اشک بزه و لا بینم دلاورم

تو شوق و ذوقمی د علی یادگار…وا نعر حیدری دشمنون بکو تار

بزنه و کوفیو وا تیر ذالفقار…پشت و پناهمی ا شیر کردگار

تنت د ور خی ها د برآورم…عباس زینبی نمووه باورم

ایسه که ها میره سردار لشگرم..ا اشک بزه و لا بینم دلاورم

نلی که دشمنو اسیرت بکنن…جلوی اصغرم دل گیرت بکنن

اسیر دشمنو مایه خجالته…تنیا راه افتخار ا برار شهادته

کشتن برارونم یلون حیدرم..جومه اسیرینه کردنه د ورم

ایسه که ها میره سردار لشگرم..ا اشک بزه و لا بینم دلاورم

هلهله بارو میکه کوفیو دور ورت..فاطمه وا چش تر نشسه بالا سرت

قتلگه دریای خی علقمه آماج تیر…دس عباس وفادار بی جدا د ضرب تیر

سردار دس جدا وری همسفرم…دشمه هزار هزار ها د براورن

ایسه که ها میره سردار لشگرم..ا اشک بزه و لا بینم دلاورم

 

دانلود با کیفیت128: کلیک کنید

 

ه چی پرونه میگردیم و دور حرمه اش

حرمه اش حرم باکرمش

هم سفر بار بونیت ریم و کرب بلا…ری دیار عاشقا خمه یان بکیم وپا

درس آزادی بیریم سر بنیم و قدمش..د غم مرگ برار سرخ د خینه علم اش

هم سفر بار بونیت بکید تعجیل د راه…تا بپرسیم چی بیه چی گذشت و شهدا

کاروو وارد بیه و صف بال و بلا…هم سفر قافله رت من تو منیم وجا

ه چی پرونه میگردیم و دور حرمه اش

حرمه اش حرم باکرمش

ورسیات ا عاشقو رسسه روز وفا..بخت ایسار سره پا و پای شهدا

بزنیت تبل عزا برسیم و قتلگاه…زینب تنیا منه بی کفه وا شهدا

ه چی پرونه میگردیم و دور حرمه اش

حرمه اش حرم باکرمش

….

ا باد صبا خوور به مدینه…ا رو و فاطمه بو حسین سر برینه

د کربلا تا شام سرش و نوک نیزه…د داغ حسینش و عزا بنشینه

رو بو و علی کرب بلا دریایی خینه…سیخ و حنجر اصغر بی شیر کشینه

 

دانلود با کیفیت128:کلیک کنید

 

ا وا شهیدا و دشت کربلا

عاشق کشیه کربلا یا رسول الله…دل دل چی فرات موج میزنه سی گل زهرا

بیه قیامت کربلا آه واویلا…انگار که روز محشره روز عاشورا

ریختسه خین عاشقو یا رسول الله…خی میپاشه و آسمو یا رسول الله

کوفی بی رحم بستنه آو و میمو…حلقه بستنه و دورشو کل کمودارو

سر نماز ظهر میکه دشمه تیربارو…مهر و سجاده اش پر مووه د خین یارو

الله اکبر کربلا بیه و غوغا…انگار که روز محشره یا رسول الله

د یلا تبل ساز و نی و دس کوفی…یه یلبا سنگ بارو میکن مردم شامی

و قصد جون چند نفر ای همه لشگر…جرمم چینه ا کوفیو کور پیغمبر

 هفتاد و دو زخم گرو هرده و جونش…د ور چشش قتل آم بینه بچونش

بی رحمی ای کوفیو کرده دلگیرش…داغ برار و بچیاش کردنه پیرش

 

 

دانلود با کیفیت128:کلیک کنید

 

 زینبم اشکیاته پاک کو….سی حسینت وری دعا کو

ظهر عاشورا تو ده میدو….ری لشم کپری وه پا کو

زینبم آگر وه جونم میزنن….دشمنو زخم زونم میزنن

بار لویات کرده اسیرم…سی دل نازکت بمیرم

زینبم درد دلته بو….جون زهرا دارم میرم

زینبم دنیا بی وفائه زینبم….کل دنیا سیم کربلائه زینبم

زینبم آگر وه جونم میزنن…دشمنو زخم زونم میزنن

زینب بو ویردار بچونم …مادری بک سی دخترونم

کوفیو مورنت اسیری …نگریو جلو دشمنونم

کربلا درس امتحونه زینبم…دنیا وا هیشکی نمیمونه زینبم

زینبم آگر وه جونم میزنن…دشمنو زخم زونم میزنن

زینبم اکبرمو کشتن….عون و هم جعفرمو کشتن

هیچ کسی نه مه نه وه جاشو….قاسم و اصغرمه کشت

زینبم آخرین ودامه زینبم…زینبم سرمه وی ری نیزیایا زینبم

زینبم آگر وه جونم میزنن…دشمنو زخم زونم میزنن

مهر حق حرده وه جونم….تا آخر وه قولم میمونم

یا یزید یا دین محمد…یا دنیا یا بهشت سرمد

کربلا پر بلا بی زینبم….سرمه ده تشت طلا بی زینبم

زینبم آگر وه جونم میزنن…دشمنو زخم زونم میزنن

 

 

دانلود با کیفیت128:کلیک کنید