آلبوم امیر رحمان خسروی سواد عاشقی

آهنگ غربت بی تو    خواننده:امیر رحمان خسروی

آلبوم سواد عاشقی امیر رحمان خسروی

متن آهنگ غربت بی تو امیر رحمان خسروی

***

د غربتی که بی تو دردم یکی دو تا نی

یاد تو د خیالم د خاطرم جدا نی

د جون و دل میهامت تا مرز جون سپرده

بیا و عادتم به و عاشقانه مرده

وقتی که وا تو هیسم آرومه روزگارم

بی تو چه حشک و سردم یه سال بی بهارم

نونی چه حس خویی دارم که وا تو هیسم

احساس عاشقینه نموئه بنویسم

تو وا منی مه وا تو هر چند که دیر دیرم

د یک نمیکنیم دل حتی اگر بمیریم

مر تو بیایی که ای دل بئبیره شور و حالی

دس تو سیب سرخی بوئه د آو زلالی

لینک های دانلود:

دانلود آهنگ با کیفیت 128

 

آهنگ میل سفر    خواننده:امیر رحمان خسروی

آلبوم سواد عاشقی امیر رحمان خسروی

متن آهنگ میل سفر امیر رحمان خسروی

***

میکی میل سفر گرگر و هر جایی که دلخواته

خور ناری که چن عاشق اسیر تار زلفیاته

تو ای یار سفر کرده کر دوات وه دورت با

اگر چه خوم د تو دیرم دله بی طاقتم واته

بیا بس کو دل آزاری د حالم خو خور داری

که سورمه چش کم نیرم غواره زیر پایاته

اگر چه وه منه مجنون سرگردو نظر ناری

ولی دونسو ای دل ور هنی کنج دلم جاته

عزیزه نیفه جونت عمریه ویلو بیو نونه

ده کوم کیچه مکو داری خوشاله و که همساته

تو ای میخونه چی بالا بلنه شوخ دل صافم

خمارم نه خمار می علاجم جوم چشاته

لینک های دانلود:

دانلود آهنگ با کیفیت 128

 

آهنگ سواد عاشقی     خواننده:امیر رحمان خسروی

متن آهنگ سواد عاشقی امیر رحمان خسروی

***

مسافر طاقتش یه جا نمیره

مثه برفی میا و پا نمیره

زغاله هیزمه آخر میسوزه

درختی بی بری که سا نمیره

سواد عشق مه د حد صفره

کسی د بی سواد املا نمیره

کسی که بردنه دار و ندارش

سراغ ماله د هوسا نمیره

غم تو چن کوهی شاید قوی تر

ده هونه نقلی دل جا نمیره

سر هر بوه فقط یه آسمونه

بجز تو د دلم کس جا نمیره

میسوزم د بلیزه بی قراری

عجیبه وا تشم دنیا نمیره

میرم ری و سفر ری و ایواره

دل کس چی منه تنیا نمیره

لینک های دانلود:

دانلود آهنگ با کیفیت 128

 

آهنگ اسیر   خواننده:امیر رحمان خسروی

متن آهنگ اسیر امیر رحمان خسروی

***

بنا نی عشقمه بیری و بازی

بنا نی و هومالم دل بوازی

چه آسو اسممه بردی ده ویرت

نزی حتی یه گل سر و اسیرت

لف آوی رفته بارون بهارم

تموم سال اگر بلن میوارم

نمیره خاطرش گر گر د ویرم

نمیله تاه و درد خوم بمیرم

دلم تا سو و هولش وا خور بی

سرم ری شونیا بالش تر بی

فقط درمون زخم دل نمک بی

تو فتوا به نیازی و کلک نی

ده گوش آسمونش جادلم نی

منه کشته کسی که قاتلم نی

چشش هر جا که میرم ری و ریمه

مه که حاشا نمی کم لیوه بیمه

تو که مینی بلیزه التماسه

بزه وی نیفه جو تیر خلاصه

لینک های دانلود:

دانلود آهنگ با کیفیت 128

 

آهنگ ملک دلدار    خواننده:امیر رحمان خسروی

آلبوم سواد عاشقی امیر رحمان خسروی

متن آهنگ ملک دلدار امیر رحمان خسروی

***

تش افتا دو زنه ایم سی دیینه یار

چه خووه مه سا بکم تو ملک دلار

مه گوتم یارم تونی تونی دلدارم

تو بیا رحم بکو و حال زازم

هر کسی یارش تو بای هیچ غمی نار

زنه ای ولا وا چش تو بهاره

بیا نرو و گرمسیر دو وشت گرما

بیا رم و خرماووه بو سیل صحرا

حکیمو ا درد مه درد گرونه

داری درد دلم دو لرسونه

هر کسی یارش تو بای هیچ غمی نار

زنه ای ولا وا چش تو بهاره

لینک های دانلود:

دانلود آهنگ با کیفیت 128

 

آهنگ من و تو    خواننده:امیر رحمان خسروی

آلبوم سواد عاشقی امیر رحمان خسروی

متن آهنگ من و تو امیر رحمان خسروی

***

د مخمل آسمونی سیت میسازم

وا پینه سایبونی سیت میسازم

اگر یه شو بوئی ممون قلبم

ده سیکش آشیونی سیت می سازم

گوتم ای گل مه نیسم مرد دیری

گوتی عادت میکی وا درد دیری

سفر کردی و نوونی که سوختم

ده چن جا اشکسه وا برد دیری

تو شاخه ترچکی مه خار زردم

تو شادی مه سراپا آه سردم

مه فرهادم تو شیرین عزیزی

مجالی نی که تا دورت بگیرم

مه کرت حشک و تو بارون عشقی

علاج درد بی درمون عشقی

تو لیلایی نجیبی سر و زیری

امید قیس سرگردون عشقی

تو افتاوی مه چی شوگار تارم

تو گرمایی مه سرما ور نسارم

تو باغ پر د نسرین بهاری

مه دشت زرد حشکه پر د خارم

تو تل نورسی مه دار پیرم

تو شادی مه د زور غصه ژیرم

مه دونم رتمه ده خاطر تو

تو دونی روز و شو هیسیی د ویرم

تو دار سوز بوسون بهاری

قشنگی سوزلکون بهاری

مه خار زرد لو تشنه کویرم

تو اوره پر د بارون بهاری

لینک های دانلود:

دانلود آهنگ با کیفیت 128