حشمت رجب زاده

امشو چی هر شو دل بیقراره…..د باغ عشقت شو نواَ داره

خوت ماه نوی چشات اساره…کم ناره وکه چی تونی داره

خوش رنگ بوی چی گل وا بینه…پر گلونیت بازار چینه

امشو چی هر شو دل بیقراره…..د باغ عشقت شو نواَ داره

بیمارم کردی آلوده دردم… چی قلن مرو مس شو گردم

امشو چی هر شو دل بیقراره…..د باغ عشقت شو نواَ داره

خوت ماه نوی چشات اساره…کم ناره وکه چی تونی داره

بهار باغ سوز آو جوی…تو چی بوسون پینه پر د بویی

تو سی هر دردی بی درمونی دوایی.تو موری دلدم اگر بهایی

اور پر بارونی مه خاکم…سی مشکی د بارونت هلاکم

دلم میها د سایه ات بمیرم…خدا دونه د عشقت اسیرم

امشو چی هر شو دل بیقراره…..د باغ عشقت شو نواَ داره

خوت ماه نوی چشات اساره…کم ناره وکه چی تونی داره

 

دانلود با کیفت128:کلیک کنید

 

دی بهار تا او بهار چش انتظارم….دل دردو د سینه برده قرارم

داغ دیری تش زیه د حونمونم…زیتری پات بنی د مین جونم

رنگ و رنگ همه جا د چمن و گل…کر میکه گوش فلک نالی بلبل

سروکه قد کشیه و باغ و بوستا…نشسته سینه چمن چی نو عروسا

سل بکو و جنگلیا که دار بلی….گوش به و شاخه شاخه او کوک کوهی

بو رسسه ا بلبله هر که ویارش ….خوش و احوال کسی تونی بهارش

 

دانلود با کیفیت128:کلیک کنید

 

ماه ن  امشو د سیک آسمو پدا بیه…ا شادوما تو شادی کو چش بختت وا بیه

عروس خانم اخم وا کو ای دوما وباوته…خیلی وقته که اسیر زلفاکه نوقاوته

امشو شووه عروسی وقت کل کل ریزونه…شادما چی تیر تیر عروس پر تراکنه

عروش خانم وا نازی ها میخنه…شی برارش ها وا شادی مین قشه میونه

چل سوار و چل تفنگچی ها و دور ای حصار….شادوما دلشوره داره نشسه چش انتظار

مقلانه پر د تش کو تا که اسفن دی بکیم…سی دل عروس و دوما همه مو شادی بکیم

ماه ن  امشو د سیک آسمو پدا بیه…ا شادوما تو شادی کو چش بختت وا بیه

عروس خانم اخم وا کو ای دوما وباوته…خیلی وقته که اسیر زلفاکه نوقاوته

 

دانلود آهنگ با کیفت128:کلیک کنید

 

مه تنیا تو تنیا دو تا چی برگ زردیم…دوتامو دس و زونی اسیر آه سردیم

تو تنیا و مه تنیا تو وا زم شکارت….تو افتاو بهاری مه چی برف نسارم

تو افتاو روزی مه چی آسار شوگار…دوتا تنیا میسوزیم دوتا زار گرفتار

مه تنیا و تو تنیا مه ویرون تو آباد..تو چی لیلی مه مجنون تو شیرینی مه فرهاد

منم او تک درختی که ریختس برگ و بارم…ایر باد پاییز بیا ا نوبهارم

 

 

دانلود با کیفیت128:کلیک کنید

 

غمی ها د درینم چن سفید کوه…کسی باور نمیکه جز من تو

تشی ها د دل سوختم تو دونی…سیچی سل میکی سر میلرونی

همه گوشت و سخونم وا رگ پوس…بیه د گوم تش سل میکنن دوس

جگر خینم کجا بورم شکایت…و کی جز تو بووم ا دوس حکایت

سی چی بی حاصله رنج و عزاووم…کی پر کرده د ژر جوم شراوم

مه هم داشتم د سر شوری شوقی…تو ونی د ملم زنجیر توقی

تو که هم درد هم درمون دردی….سیچی وا مه چنی بی میل سردی

تو تش ونی چنی د خرمن دل….زمام بازی ها میزنی کِل

همه دنیام تونی وا ملک هستی…همه دینم تونی با بت پرستی

همه شوق همه شور نشاطم…تو هر جا پا بنی ه خاک پاتم

 

دانلود با کیفت128:کلیک کنید

 

 

دوس سفر رته سیچی ری و دما نمیکنه….عشق قدیمش د دلم شعله وپا نمیکنه

آه غریو دل تنگ سر کشیه د آسمو….ناله و آه دل تنگ درد دوا نمیکنه

یاد تو ا دوس قدیم یار وفادار منه…غم که بووه یار کسی شاه و گدا نمیکنه

عشق تو چی درخت پیر ریشه زیه د جونمه….ریشه دار پیرنه هیچکه دجا نمیکنه

گوتم که دلسوز منه همدم دیروز منه…دوس قدیمی که ومه جور جفا نمیکنه

 دوس سفر رته سیچی ری و دما نمیکنه….عشق قدیمش د دلم شعله وپا نمیکنه

 

دانلود با کیفیت128:کلیک کنید