بهمن اسکینی

آهنگ کر لر    خواننده:بهمن اسکینی

شاعر:رمضان پرورده

متن آهنگ:

چپ و راس بون قطارکت و سینه…قد بالاکت چی اسبیکو رنگینه

چش د دشمه مه ورنیار که دو کمینه…نل خاک تنیای و تفنگ بشینه

سی دشمه دس و تفنگه کر لر…چی پلنگ آماده جنگه کر لر

سربنی وه اوبنار چی شیر زردی…چی پلنگ کمین بکو و بن بردی

د برف د بارون و د اور طیمو…ای تفنگ یار مونه هر جا که ریمو

سی دشمه دس و تفنگه کر لر…چی پلنگ آماده جنگه کر لر

بو تفنگ کل بزه تا دشمه بسوزه کر لر…دی دیار کل بکنه شو بگریزه کر لر

برنوکت بو و شو رت ناهماره…سر رت کوه کمر شیش مغاره کر لر

سی دشمه دس و تفنگه کر لر…چی پلنگ آماده جنگه کر لر

نال نال برنوکت چنی شیرینه کر لر….ه که تیرش وه سینه دشمه میشینه کر لر

ننگه که دشمه روئه وا جون سالم کر لر…تش بزه د ریشه ی دشمن ظالم کر لر

سی دشمه دس و تفنگه کر لر….چی پلنگ آماده جنگه کر لر

 

 

دانلود با کیفیت128:کلیک کنید

 

 

 

آهنگ آرزو   خواننده:بهمن اسکینی

آلبوم:آرزو

متن آهنگ:

یه گلی دارم رنگ اناوه..مونس منه حونه خراوه

ریختمه و پاش خین دلمه…چنین برگاش رنگ اناوه

ترسم یه شووی بیره خواوم..گل چینی بکه حونه خراوم

خدای بالا سر ار دوسم داری…بکو نصیوش باد بهاری

شو نووه دارم روز باغونم…مه دوسش دارم بیشتر د جونم

ترسم یه شووی بیره خواوم..گل چینی بکه حونه خراوم

سزای دل مه رنج بی گنجه…مه هم چی بلبل نصیوم رنجه

مه و گل دمه رنگ شراوش…سی گل چینی بیره گلاوش

ترسم یه شووی بیره خواوم..گل چینی بکه حونه خراوم

 

دانلود با کیفیت128:کلیک کنید

 

ا ماه شعله دی و شوو تارم…د دیری یارم مه بیقرارم

ار شو تا و سو فکرم بیه یار…منم چی مجنون لیلم نی دیار

نسیم تو بیار بوی زلف یار…د انتظارش دل زخمه بسیار

وا خیال یار شو تا سو مسم…میهام چی مجنون و لیل برسم

ساقی بیار می مه یار شادم…وا دیین یار د غم آزادم

لیلم شعلمه شووم تاریکه….ار لیلل دیرم و سال نزیکه

 

 

دانلود با کیفیت128:کلیک کنید

 

 

شاق شاق غمینی ها میا و گوشم د دیر…درد دل کوگیه که بیه خسته و پیر

درد کوگ درد گرو درد او تنیاییه….شاق شاقش سر کو عشق او فراریه

ا کوگه درد مه هم مث او درد تونه…دوتامو وا یک بنالیم د دس ای زمونه

کوگ نمیاها پر بیره و دنگ هر تفنگی…آماده مرده بیه او وا یه دل تنگی

هزارتا غصه داره د مین دل و سینه…چی کوی که شو روز برف و سرش بشینه

ا کوگه درد مه هم مث او درد تونه…دوتامو وا یک بنالیم د دس ای زمونه

د سر کوو بلن موهوره هزار قسم…مووه جن فدای یارم ار و یارم برسم

خدا بکه روزی یار بیا و باغمو…چی بلبل و یاد گل بیره سراغمو

ا کوگه درد مه هم مث او درد تونه…دوتامو وا یک بنالیم د دس ای زمونه

آسمو تو شاهدی شو روز سیم نمنه…آروز و دل بیمه بینم یه زرد خنه

خدا بکه روزی یار بیا و باغمو…چی بلبل و یاد گل بیره سراغمو

ا کوگه درد مه هم مث او درد تونه…دوتامو وا یک بنالیم د دس ای زمونه

 

 

دانلود با کیفیت128:کلیک کنید

 

 

روزی روزگاری رتم سراغ یاری…شاید بووه نصیوم یه یار وفاداری

کموتر عشق مه پر میزنه سی چینه…سی او یار دیرینه دل پر آو خینه

ولا مثال مجنون هوش د سرم نمنه…ترسم لفتم د دامی وا زده خنه

کموتر عشق مه پر میزنه سی چینه…سی او یار دیرینه دل پر آو خینه

 طاق مه د آسمو مث کهکشونه…چی بکم برارو درد مه گرونه

عزیز گرفتارم مشکل بکوش د کارم…امید آرزومی جز تو مه کسی نارم

سی چی رحمی نمیکی وی حال حال رنگ زردم..حکیمی سیم بیاری بکه علاج دردم

کموتر عشق مه پر میزنه سی چینه…سی او یار دیرینه دل پر آو خینه

روزی روزگاری رتم سراغ یاری…شاید بووه نصیوم یه یار وفاداری

کموتر عشق مه پر میزنه سی چینه…سی او یار دیرینه دل پر آو خینه

 

دانلود با کیفیت128:کلیک کنید

 

اجازه وم به بیام و خواستگاری…شیربها سیت تو بیارم بویی دیاری

داری دسم حنا رسم تونه کردم نشونه..بیا چی شیرین فرهاد نومی دمو بمونه

تو ره میکی چی آهویی…مه سیت دارم آربزویی

بکو د ور جمه نووی…بل تو بووی یار خویی

افتاو سر کو رنگ طلایی…طاقتم د رت که میا بیایی

افتاو سر کو وقته بشینه…دیینت وا دوس چه دلنشینه

بوون د سرت گلونی خالدار…قدم رنجه کو رژته و بازار

گلونی خالدار ساخته تبریز با…هرکه بدخواه ته شو آو د لیز با

 

 

دانلود با کیفیت128:کلیک کنید